18.04.2014 / 16:17

«Аплаціла падатак на аўто ў сакавіку, а ў красавіку папрасілі даплаціць — павялічылася базавая» 5

«Мне трэба было ў сакавіку з аўтамабілем прайсці тэхагляд. Я аплаціла так званы падатак на аўто — 650 тысяч (5 базавых), — расказвае мінчанка Юлія. — Але з першага разу не прайшла: далі 20 дзён на выпраўленне хібаў. Калі я паехала паўторна ў Белтэхагляд, гэта быў ужо красавік — базавая велічыня паднялася да 150 тысяч рублёў. Усё ішло добра, пакуль не папрасілі паказаць квіток аб аплаце падатку. І сказалі, каб даплаціла 100 тысяч.

Я паспрабавала спрачацца, але мне адказалі, каб не псавала нікому нервы. Маўляў, яны проста выконваюць закон. А калі нешта не падабаецца, магу ехаць у Амерыку».

У Міністэрстве па падатках і зборах растлумачылі заканадаўства: парушэння няма.

У сакавіку Юлія звярталася па дазвол на допуск аўто да дарожнага руху, але такі дазвол не атрымала — не прайшла тэхагляд. І ў красавіку звярнулася паўторна. А паколькі заканадаўствам прадугледжана, што аплата павінна адбывацца па велічынях на дзень звароту, то даплата была запатрабавана правільна.

СМ

0
грып / Адказаць
18.04.2014 / 19:04
Усё лягічна. Але ў дзевак яна свая.
0
Ліцьвін / Адказаць
18.04.2014 / 22:35
Гэта называецца Беларусь. Тут такая сыстэма абкраданьня народу. Ня дзіўна. Я таксама заплоціў спачатку 650, але адразу не прайшоў тэхагляд, а потым прыйшлося заплоціць яшчэ сотню. Не прыемна, але ж фактычна па закону яны чыстыя. Справпа ў тым, што калі пошліна існуе, то яна ня мусіць быць прывязаная да нейкіх там тэхаглядаў. Але гэтыя жлабы даволі хітрыя, яны прадбачылі шматлікія такія моманты, дзе можна больш садраць з чалавека. І калі ж ужо народу надакучыць маўчаць? Хаця, покуль будзе рускі штык, рускі поп ды рускі язік у галовах, будуць маўчаць людзі. Бо не народ будзе, а насельніцтва края...
0
Кизэс / Адказаць
19.04.2014 / 06:32
я понимаю. что пошлина платится на год. вам не кажется что с таким же успехом можно у нас попросить-приказать доплатить за покупку хлеба вчерашнего. потому .что сегодня он подорожал.где мы живем в стране. или в какой то банде? честные люди прошедшие . не прошедшие техосмотр заплатили пошлину вот им благодарность
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру