01.11.2007 / 16:40

БРСМ прапануе Маладому фронту браць зь яго прыклад 11

Першы сакратар БРСМ: «Няхай праявіць сябе і ў аграгарадках, і на будоўлі фермаў, аб’ектаў сельскагаспадарчага прызначэння — вось там няхай і асвойваюць заходнія грошы».

Пра гэта заявіў першы-сакратар БРСМ Леанід Кавалёў падчас онлайн-канфэрэнцыі, што прайшла на сайце Белтэлерадыёкаманіі, паведамляюць «Беларускія навіны».

Першы сакратар ЦК БРСМ Леанід Кавалёў, пералічыўшы акцыі БРСМ, у тым ліку і «За Беларусь, любімую, квітнеючую!», назваўшы тварам арганізацыі «Залатую шайбу», «Скураны мяч», рух будаўнічых атрадаў, сказаў у ходзе анлайн‑канферэнцыі: «Ці гэта не канкрэтныя справы? Вось дзе няхай праявіць сябе «Малады фронт»: і ў аграгарадках, і на будоўлі фермаў, аб’ектаў сельскагаспадарчага прызначэння — вось там няхай і асвойваюць заходнія грошы».

0
Паўлюк / Адказаць
01.11.2007 / 16:57
Леанід Квалёў штось зблытаў. Арґанізацыя «Малады фронт» не існуе.
0
nastassya / Адказаць
01.11.2007 / 18:16
да мяне на працы падыйшоў інжынэр па тэхніцы бясьпекі й сказаў, што ў выканкаме кіраўніцтву нашага завода "праелі ўсе мазгі" мною. Таму было вырашана запісаць мяне ў склад камітэта па справах моладзі, то бок БРСМ. Калі я ўражана адказала яму, што я "дэструктыўны элемент", то інжынэр супакоіў, маўляў, гэта й добра, таму што патрэбна супрацоўнічаць з апазыцыяй, каб усё было як у парлямэнце. І вось ня ведаю, ці плякаць мне, ці сьмяяцца, таму што яны мне нарэшце далі нармалёвы шанец працаваць, як я й абяцала на судзе, грунтоўна й шчыльна з моладзьдзю. Адначасова з гэтым, тут трэба чакаць вайны й гвалту. Я ня ведаю, што яны задумалі: маральна зьнішчыць ці насамрэч гэта ўсяго толькі спроба супрацоўніцтва...
0
Менскі маладафронтавец / Адказаць
01.11.2007 / 18:40
Вось падумаў я тут і вырашыў, што й праўда, ён мае рацыю... пайду даяркаю ў аграгарадок працаваць за 800$, ну яе гэтую палітыку... :-)))
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру