23.04.2014 / 22:47

Серж Бандарчук адкрыў у Мінску прыватны цырк з беларускай назвай 5

Неўзабаве ў Беларусі запрацуе новы цырк-шапіто былога галоўнага рэжысёра «Белдзяржцырка» Сержа Бандарчука.

Летась маці Сержа і дырэктар «Белдзяржцырка» Таццяна Бандарчук была зволеная з пасады праз карупцыйны скандал. Серж таксама пакінуў дзяржаўны цырк і стварыў свой атракцыён з беларускай назвай «Дзіва». Цяпер цырк месціцца на тэрыторыі парку «Дрымлэнд» ля скрыжавання вуліцы Арлоўскай і праспекта Пераможцаў — зусім побач з Драздамі.

«У нас будзе міжнародная праграма з трынаццаці нумароў.

Гледачы змогуць пабачыць італьянскага заклінальніка змеяў Бруна Мэджыалара. Ён, дарэчы, прэзентуе і шоу павукоў-мясаедаў. Я, хоць і працую ў цырку столькі гадоў, ніколі не бачыў нічога падобнага.

Таксама ў нас будзе выступаць сям'я Герэра з Іспаніі: клоўн Марка і яго дзеці Мішэль і Жаклін. Разам яны будуць паказваць акрабатычныя нумары. Трыа Шаўчэнкаў з Беларусі будзе працаваць у вельмі складаным і небяспечным жанры «руская палка». Яшчэ адна фішка нашага цырка — кубінскі балет. Я буду працаваць з поні.

Аднак гваздом праграмы стане атракцыён з трыма сланамі братоў Гертнераў з Германіі», — расказаў Бандарчук.

Серж кажа, што былі і праблемы: «Трэба столькі ўсяго ўзгадніць, зрабіць рэгістрацыю для замежных артыстаў… Вось, напрыклад, кубінкі гавораць толькі па-іспанску — трэба вырашаць пытанне камунікацыі. Аднак мы змагаемся. Мы ж беларусы, мы ўсё можам».

Цырк дасць свой першы выступ 7 мая. Да 16 чэрвеня «Дзіва» можна наведаць у Мінску.

Пасля гэтага ён будзе гастраляваць па рэгіёнах: у Магілёве, Оршы, Наваполацку, Гродне, Брэсце. Квіткі на прадстаўленне каштуюць ад 80 да 210 тысяч.

Кірыла Хілько

0
Непутин / Адказаць
24.04.2014 / 09:02
В мае будет две конкурирующие программы в Минске: цирк Запашных в Белгосцирке и "Дзіва". Ввиду того, что Эдгард Запашный подписал письмо в поддержку Путина в захвате Крыма, программу Запашных собирался бойкотировать. Хорошо что появится "Дзіва" с немецкими слонами - поведу детей туда!
0
Zmicier / Адказаць
24.04.2014 / 09:03
Можно по-разному относится к семье циркачей-Бондарчуков, но программы Белгосцирка до ареста Татьяны Бондарчук были куда интереснее, чем теперь. Так что думаю "Дзіва" переплюнет теперяшний Белгосцирк.
0
moonshine / Адказаць
24.04.2014 / 13:53
Добра, калі ёсць выбар!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру