23.04.2014 / 14:30

«Пасля 35-ці жыццё жанчыны толькі пачынаецца» 26

У Таццяны Гацуры чацвёра дзяцей. Трое ўжо вучацца ў беларускамоўнай гімназіі.

«Мне часам пішуць маладыя жанчыны, якія ў адчаі ці проста стаміліся. Яны пытаюцца парады, як быць з мужам, які загуляў, дзе ўзяць сілаў не пакінуць кар'еру, калі ўсё валіцца, ці як спалучыць маленькіх дзяцей ды працу і так далей.

Яны глядзяць на мяне — разведзеную, якая выйшла другі раз замуж з траімі дзецьмі, якая нарадзіла чацвёртага, якая працуе на сваю амбіцыйную ідэю, якая будуе дом і строіць Мінгарвыканкам, якая арганізавала ўсіх дзяцей у любімую справу, якая пазітыўна настроеная. Яны таксама так хочуць, але думаюць, што не могуць. Я ім увесь час кажу, што могуць! — піша 33-гадовая Таццяна Гацура-Яворская. — І амаль заўсёды разумею іх пачуцці. Але з усіх страхаў самы мне незразумелы — гэта страх ўзросту.

«З усіх страхаў самы мне незразумелы — гэта страх ўзросту».

«Мне ўжо 35, мне амаль 40, мне 30, і я нічога не дасягнула». Бліііііін! Няўжо вы думаеце, што ў 50 каханнем не займаюцца?

Таццяна знайшла сваё каханне, хоць іншыя з трыма дзецьмі баяцца нават рыпацца.

Ці вы збіраецеся памерці ў 45? У 30 гадоў у нас яшчэ мінімум 30 гадоў актыўнага жывога жыцця і, у адрозненне ад першай трыццаткі, нам не трэба за гэты час спачатку вырасці, стаць паўналетнім, нарабіць памылак, выправіць іх. Колькі з папярэдняй трыццаткі мы былі самі сабе гаспадарамі і распараджаліся сабой? Максімум 10 гадоў, і гэта ў тры разы менш, чым мы маем у запасе. У нас наперадзе 30 гадоў, калі мы ўжо ведаем, што нам трэба ці хаця б ведаем, што дакладна не трэба і на гэта таксама не трэба марнаваць свой час. Вось ніколі мяне не палохаў мой узрост.

Мне ў гэтым годзе 34. Можа ў 40 яшчэ нараджу. А ў 50 уздымуся на Эверэст. А ў 60 пацісну руку прэзідэнту Злучаных Штатаў.

Жывіце! Бо ў 50 будзеце ўспамінаць, як было ў 30.

Таццяна разам з дзецьмі шмат падарожнічае.

0
женщина / Адказаць
23.04.2014 / 14:38
Ну да коненчо.
0
Корч / Адказаць
23.04.2014 / 15:32
Калі 35 - гэта пачатак жыцьця, дык як ахарэктарызаваць жыцьцё жанчыны да 35-ці ? Унутрыўтрбны перыёд ??? Альбо проста: ''нежыцьцё'' ??? Альбо мо ''жыцьцё нежанчыны'' ???
0
Inhvar / Адказаць
23.04.2014 / 16:43
Не сабiрайце вы ўжо,маладосьць заўседы лепш чым сталасьцьстарасьць.
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру