01.11.2007 / 21:47

Суд над муміямі прызначаны на пятніцу 6

Удзельнікі сьвяткаваньня Хэлоўіну, якія ўчора былі затрыманыя ў сталічным ЦУМе, зараз знаходзяцца ў спэцпрыёмніку‑разьмеркавальніку на вуліцы Акрэсьціна.

Удзельнікі сьвяткаваньня Хэлоўіну, якія ўчора былі затрыманыя ў сталічным ЦУМе, зараз знаходзяцца ў спэцпрыёмніку‑разьмеркавальніку на вуліцы Акрэсьціна.

Сёньня зранку іх прывозілі да будынку суду Савецкага раёну Менску і пратрымалі ў машыне некалькі гадзін. Пасьля таго, як судзьдзя запатрабавала ад міліцыянтаў перарабіць пратаколы, машына з затрыманымі зноў паехала ў РУУС. Як высьветлілася, міліцыянту ў пратаколах не ўказалі сьведак правапарушэньня.

Адміністрацыйныя справы Юрася Шаліна, Тацьцяны Лашкаровай, Андрэя Кіма і Валянціна Сакалоўскага разглядае судзьдзя Савецкага раённага суду Аксана Ралява.

Напрыканцы працоўнага дня затрыманых прывезьлі ў суд, дзе яны падалі хадайніцтвы аб прадстаўленьні ім адваката. Таксама Юрась Шалін хадайнічаў аб выкліку дадатковага сьведкі. Судзьдзя Аксана Ралява задаволіла хадайніцтвы, наступнае паседжаньне было назначанае на заўтра, на 10 гадзін раніцы. Затрыманым выдалі позвы й адпусьцілі. Аднак, калі яны выходзілі з будынку суду, міліцыянты затрымалі іх у другі раз.

Як высьветлілася, міліцыянты выконвалі загад намесьніка кіраўніка міліцыі Савецкага раёну Менску Ўладзімера Сацюка. Сацюк прыняў рашэньне перавезьці ўсіх затрыманых на Акрэсьціна, бо «ня ўпэўнены ў тым, што яны з’явяцца паводле позвы».

Яраслаў Сьцешык

0
Ецi / Адказаць
01.11.2007 / 23:43
неадэкватная рэакцыя на неадэкватную акцыю. маразм мацнее :)
0
Звычайны хлапец / Адказаць
02.11.2007 / 00:35
Гэта ж натуральная параноя! Хапаюць усіх, хто як-небудзь адрозьніваецца ад іншых! Але гэты сюжэт варты невялічкага чэхаўскага гумарыстычнага апавяданьня.
0
z-Hunter / Адказаць
02.11.2007 / 11:10
Ну и дурак же этот Сатюк...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру