23.04.2014 / 20:57

Беларускіх ІП на рынках абавяжуць мець айчынныя аналагі імпартных тавараў 5

Беларускіх індывідуальных прадпрымальнікаў, якія працуюць на рынку, плануецца абавязаць мець айчынныя аналагі той імпартнай прадукцыі, якой яны гандлююць. Аб гэтым паведаміў сёння журналістам віцэ-прэм'ер Пётр Пракаповіч.

Міністэрства гандлю распрацоўвае адпаведныя асартыментныя пералікі, якія будуць дзейнічаць на рынку. Гэта робіцца для таго, каб у спажыўца быў выбар, «гэта значыць, калі ёсць імпартны тавар, павінен быць і айчынны», растлумачыў віцэ-прэм'ер. 

Пётр Пракаповіч звярнуў увагу, што яшчэ літаральна 10 гадоў таму імпарт спажывецкіх тавараў знаходзіўся на ўзроўні 10-15 працэнтаў. У мінулым годзе гэта лічба вырасла ўжо да 30 працэнтаў. На долю харчовых тавараў у агульным аб'ёме імпарту прыпадала 32 працэнты, нехарчовай сферы рынку — 64 працэнты. Усяго за 2013 год Беларусь імпартавала спажывецкіх тавараў больш як на $7 млрд. Пры гэтым толькі 15 працэнтаў ад гэтай сумы пайшло на тавары, якія рэспубліка сёння не здольна вырабляць сама. 

Атрымліваецца замкнёны круг, канстатаваў віцэ-прэм'ер. Даходы насельніцтва павышаюцца, але яны трацяцца на імпартныя тавары і паслугі, замест таго каб ісці на развіццё ўласнай эканомікі. «Таму цалкам зразумела, што кіраўнік дзяржавы паставіў задачу разарваць гэты заганны круг і працаваць такім чынам, каб мы забяспечылі канкурэнтаздольнымі таварамі і паслугамі патрэбы нашага насельніцтва», — адзначыў Пётр Пракаповіч. Калі не зрабіць гэтага цяпер, сітуацыя на валютным рынку будзе складанай, не атрымаецца забяспечыць стабільнага развіцця эканомікі ў цэлым. 

Выхад з сітуацыі, якая склалася, паводле слоў віцэ-прэм'ера, павінен ажыццяўляцца ў некалькі этапаў. Першы з іх — не павялічваць долю ў агульным тавараабароце імпартных тавараў і паслуг. «30 працэнтаў — гэта больш чым дастаткова», — лічыць Пётр Пракаповіч. На другім этапе неабходна паступова зніжаць гэту долю і накіроўваць грошы, якія ёсць у насельніцтва, на развіццё ўласнага бізнесу, уласных прадпрыемстваў, эканомікі і павышэнне жыццёвага ўзроўню.

0
Няхлюй / Адказаць
23.04.2014 / 21:02
"Замкнёны круг". Міша?
0
дурдом / Адказаць
23.04.2014 / 21:11
а беларускі аналаг банана гэта што - фалаімітатар бабруйскага завода Красны пішчевік?
0
Sas / Адказаць
23.04.2014 / 21:41
Прокопович изображает бурную деятельность, хоть бы с историей развития предпринимательства ознакомился. Чаморный белорусский товарчик уже предписывалось иметь в каждой торговой палатке, причем до 80 процентов, но потом этот зуд у минторга прошел. А если Беларусь в ВТО вступит, то на кажом углу будет полно импорта, а Луке придет крышка
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру