27.04.2014 / 09:37

Лідара крымскіх татараў Джамілёва вылучылі на Нобелеўскую прэмію 6

Шэраг грамадскіх арганізацый расійскай рэспублікі Татарстан вылучылі лідара крымскіх татараў Мустафу Джамілёва на атрыманне Нобелеўскай прэміі міру.

Як перадае ўкраінская служба Бі -Бі -Сі, сярод гэтых арганізацый - Рада старэйшын, Татарскі грамадскі цэнтр і Меджліс татарскага народа.

«Несумненна, Мустафа Джамілёў - адзін з найбольш годных прэтэндэнтаў на гэтую прэстыжную прэмію», - гаворыцца ў сумеснай заяве татарскіх арганізацый.

Яны падкрэслілі, што дзякуючы Джамілёву «крымскія татары сталі неад'емнай часткай украінскага грамадства» і «прымаюць актыўны ўдзел у дзяржаўна - палітычным будаўніцтве сучаснай Украіны».

Джамілёў з 1960-х гадоў вёў у Савецкім Саюзе дысыдэнцкую і праваабарончую дзейнасць.

Ён 15 гадоў адседзеў у савецкіх лагерах, змагаючыся за права свайго народа вярнуцца на радзіму з месцаў сталінскай дэпартацыі.

Раней Джамілёва двойчы вылучалі на атрыманне прэміі, у 2009 і 2011 гадах.

22 красавіка раніцай Джамілёву пры выездзе з Крыма невядомыя людзі зачыталі і ўручылі акт аб забароне на ўезд на тэрыторыю Расіі да 2019 года.

Хочаш падзяліцца важнай інфармацыяй ананімна і канфідэнцыйна?

0
Ван Хельсiнг / Адказаць
27.04.2014 / 09:48
Гэта адзiны уплывовы палiтык сёння на крымскай зямлi, - вялiкi чалавек для iнтарэсау Украiны на паувостраве...
0
Міцяй / Адказаць
27.04.2014 / 10:53
Вельмі паважаю гэтага чалавека і грамадзяніна. Дай Божа яму цярпеньня, вытрымкі, здароўя
0
однако / Адказаць
27.04.2014 / 11:40
Путина тоже выдвинули:))
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру