10.05.2014 / 11:35

Баевікі ў Данбасе наступаюць, захапілі Марыупаль 60

Украінскія ўлады не здолелі аднавіць кантроль над Данецкай і Луганскай абласцямі напярэдадні абвешчанага сепаратыстамі рэферэндуму.

На 11 мая сепаратысты Данбаса абвясцілі аб правядзенні рэферэндуму аб стварэнні Данецкай і Луганскай народных рэспублік. Гэта, канечне, яшчэ горшы фарс, чым крымскі рэферэндум. Без спісу выбарцаў, без участкаў для галасавання. У рэгіёне ідуць баі, дзейнічаюць узброеныя групоўкі, і тут — плебісцыт.

Але арганізатары не асабліва дбаюць пра рэальнае галасаванне. Ім важна, каб не было нікога на месцах, хто б аспрэчыў вынікі.

Украінцы спрабавалі ліквідаваць баевікоў, але не здолелі. Яны спыніліся на подступах да Славянска, у прыгарадах Краматорска. Учора Нацыянальная гвардыя пакінула Марыупаль. Такім чынам, і гэты горад, дзе ўкраінцы супраціўляліся найдаўжэй, апынуўся ў руках баевікоў.

Чаму такое адбываецца? Сепаратысты выдатна ўзброеныя — іх лёгкае ўзбраенне нават лепшае, чым ва ўкраінскай арміі. Акрамя таго,

Украінскія сілавікі захоўваюць вернасць Украіне, але ваяваць да крыві ў масе сваёй не хочуць.

Тыповая сітуацыя: сепаратысты ўрываюцца на памежны пост, пачынаюць страляць. Памежнікі адыходзяць. Праз мяжу праязджае канвой з расійскімі «добраахвотнікамі» і зброяй, сепаратысты з'язджаюць, украінскія памежнікі вяртаюцца на пасты.

Учора баевікі напалі на санаторый, дзе былі размешчаныя салдаты Унутраных войскаў. Адкрылі страляніну, і ўкраінцы здалі зброю. Тэрарысты захапілі некалькі соцень аўтаматаў.

Украінскія ўлады прызнаюць, што сепаратыстаў масава падтрымліваюць жыхары Данбаса.

Сацыёлагі аддаўна канстатавалі, што рэгіён падзелены напалам. Палова жыхароў хацела б аб'яднання з Расіяй, другая палова — адзінства з Украінай.

Першая палова аказалася ўзброеная расійскай зброяй і гальванізаваная агрэсіўнай расійскай прапагандай. Яна мае неабмежаваныя фінансавыя рэсурсы ад Расіі і Януковіча. А другая палова — гэта людзі, у большасці сваёй не гатовыя да ўзброенай барацьбы, якая адна сёння вырашае будучыню рэгіёна.

Таму, нават калі рэальна заўтра прагаласуюць лічаныя працэнты выбарцаў на ўчастках, створаных для карцінкі расійскага тэлебачання, незалежнасць Данецкай рэспублікі будзе абвешчана пад дуламі аўтаматаў. І не толькі аўтаматаў — процітанкавых гранатамётаў і зенітных комплексаў.

Процістаяць такім планам можна толькі спосабамі ваеннага часу.

Але ўкраінскія ўлады не далі загаду бязлітаснага адстрэлу кожнага чалавека са зброяй, не закрылі межаў, не ліквідавалі Кампартыі і Партыі рэгіёнаў як структур, што, фактычна, дзейнічаюць на развал краіны. Не далі загаду — бо не хацелі антаганізаваць мясцовае насельніцтва. А яшчэ баяцца адкрытага расійскага ўварвання.

Няма сумневаў, што пасля ўсталявання кантролю над Данбасам баевікі пераедуць у Харкаў і Запарожжа. І так далей.

Неабвешчаная вайна ва Украіне можа зацягнуцца на неакрэслены час.

Мікола Бугай

0
Евгений Максимович / Адказаць
10.05.2014 / 11:47
А я давно говорю и не надо прятать т.к. это война, необходимо использовать террористические и диверсионные методы борьбы с агрессором. Крутов конечно крутой умудрёный опытом человек но действует по старинке, старыми методами. Сейчас другой принцип ведения войны.
0
Пн тмн Грцн Тврчскй / Адказаць
10.05.2014 / 11:49
Кали гэта 30% украинцаў, тады яны непераможныя, няўжо 70% не могуць навесці парадак. Калі гэта расейцы з чачэнцамі дык чаму няма доказаў і аб'яўлена афіцыйная вайна? Нешта там не так.
0
Djecerson / Адказаць
10.05.2014 / 11:53
Политические импотенты Киева до того затянули ситуацию на востоке, что сейчас она почти критическая---еще чуть-чуть и Украине конец. Если не дай бог Украина потеряет восток, она потеряет и запад, потому что сепаратисты на этом не остановятся...они пойдут дальше. Пора вводить военное положение в стране, срочно провести массовую мобилизацию, ввести танки, наносить ракетно-бомбовые удары по очагам сопротивления сепаратистов, иначе вам КОНЕЦ господа майдановцы.
Паказаць усе каментары/ 60 /
Каб пакінуць каментар, калі ласка, актывуйце JavaScript у наладах свайго браўзеру