13.05.2014 / 15:57

Сын віцэ-прэзідэнта ЗША знайшоў працу ва ўкраінскай нафтагазавай кампаніі 9

Джо і Хантэр Байдэны.

Хантэр Байдэн — малодшы сын віцэ-прэзідэнта ЗША Джо Байдэна — стаў членам праўлення нафтагазавага холдынгу Burisma, які займаецца здабычай вуглевадародаў ва Украіне.

Аб гэтым паведамляецца на сайце кампаніі.

Байдэн-малодшы выказаў надзею, што яго веды паслужаць на карысць народа Украіны.

Хантэр будзе займацца прасоўваннем кампаніі ў міжнародных арганізацыях.

Яго асноўным месцам працы застанецца юрыдычная фірма Schiller & Flexner LLP, якая знаходзіцца ў Нью-Ёрку.

Акрамя таго, Байдэн-малодшы займае пасаду старшыні Кааліцыі ЗША па пытаннях глабальнага лідарства, Цэнтра палітыкі бяспекі і нацыянальнага дэмакратычнага інстытута.

Раней ён працаваў старшым віцэ-прэзідэнтам банка MBNA, а ў 2006 годзе ўвайшоў у раду дырэктараў амерыканскай чыгуначнай кампаніі AMTRAK. Байдэн уваходзіць у калегію адвакатаў штата Канектыкут і федэральнай акругі Калумбія, а таксама Вярхоўнага суда ЗША і Суда па федэральных пазовах (US Court of Federal Claims). Адначасова ён узначальвае амерыканскае падраздзяленне Сусветнай харчовай праграмы.

Холдынг Burisma ўключае ў сябе некалькі ўкраінскіх нафтагазаздабыўных кампаній, сярод якіх «Эска-Піўніч» і «Пары».

Кампанія была зарэгістраваная на Кіпры ў 2002 годзе, а яе асноўным уласнікам з'яўляецца былы міністр экалогіі Украіны, намеснік сакратара Рады нацыянальнай бяспекі і абароны Украіны за часамі Януковіча Мікалай Злачэўскі.

Цяпер кампанія займаецца распрацоўкай радовішчаў у Дняпроўска-Данецкім, Карпацкім і Азова-Кубанскім басейнах.

0
belariy / Адказаць
13.05.2014 / 16:25
гэтыя амерыкосы ня менш нахабныя, чым маскалі. хай бы спачатку дапамаглі украінцам ад маскалёў абараніцца. так весь усход Украіны яшчэ ў агні, а гэтыя пендасы ўжо пачалі яе "акучваць". што маскалі, што пендасы. абы толькі выкарыстаць гэтую краіну ў сваіх інтарэсах. імперыялісты доўбаныя.
0
Федюньчик без Тани / Адказаць
13.05.2014 / 16:38
О, пора отдавать долги за светлое демакратическое будущее.
0
lenik / Адказаць
13.05.2014 / 17:13
ах-ха-ха сын януковiча iм не падабауся, бачце
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру