14.05.2014 / 18:39

Цэнтрвыбаркам Беларусі возьме ўдзел у назіранні за прэзідэнцкімі выбарамі ва Украіне 3

Прадстаўнікі Цэнтрвыбаркама Беларусі возьмуць удзел у назіранні за прэзідэнцкімі выбарамі ва Украіне, запланаванымі на 25 мая, паведаміў сакратар Цэнтральнай камісіі Мікалай Лазавік.

«Так, мы вырашылі ехаць у Кіеў», — сказаў Лазавік, зазначыўшы, што апрача яго ў назіранні возьме ўдзел намеснік старшыні ЦВК, дырэктар Нацыянальнага цэнтра заканадаўства і прававых даследаванняў Вадзім Іпатаў.

Запрашэнне беларускаму Цэнтрвыбаркаму ўзяць удзел у назіранні падпісана старшынёй Цэнтральнай выбарчай камісіі Украіны Міхаілам Ахяндоўскім. У дакуменце зазначаецца, што Украіна вітае шырокі ўдзел міжнародных назіральнікаў у азнаямленні з падрыхтоўкай і правядзеннем прэзідэнцкіх выбараў. Прадстаўнікі беларускага ЦВК запрошаны ўзяць удзел у назіранні з 23 па 26 мая.

Раней Лазавік зазначаў, што, «відаць, выбары будуць праходзіць у складаных палітычных і эканамічных умовах». Ён выказаў меркаванне, што ў такім становішчы арганізатарам выбараў ва Украіне будзе цяжка працаваць. «Апрача таго, выклікае сумненне, ці ва ўсіх рэгіёнах адбудуцца выбары. А ў выпадку далейшага пагаршэння грамадска-палітычнага становішча выбары наогул могуць быць пастаўлены пад пагрозу зрыву», — сказаў ён.

0
якая непераборлівасць! / Адказаць
14.05.2014 / 19:00
Нашто ім баршчаваркі-махляры?
0
Янук / Адказаць
14.05.2014 / 20:28
Лазавік? ужо можна віншаваць Саміведаецекаго з элегантнай перамогай?
0
Ван Хельсінг / Адказаць
14.05.2014 / 21:12
Навіна, вартая увагі! - РФ, як вядома, ігнаруе наогул сам факт выбрання новага прэзідэнта Украіны, - для яе Януковіч легітымны... Беларусы ж пайшлі далей, і без аглядкі на Крэмль, самастойна!
Каб пакінуць каментар, калі ласка, актывуйце JavaScript у наладах свайго браўзеру