На ўскраіне вёскі Стараварвараўка, што ў 30 км ад Краматорска, ідзе бой паміж сілавікамі АТА і групай тэрарыстаў, што засела ў сасновым лесе. Сюды сцягнутыя вялікія сілы ўкраінскай арміі.
Як паведамляе сайт Lb.ua, над вёскай кружаць верталёты.
Мясцовыя жыхары паведамляюць, што тры тэрарысты таксама заселі ў адной з хат. Самі ж сяляне хаваюцца ў скляпах, таму што стральба ідзе жорсткая.
Як мяркуе выданне, магчыма, гаворка ідзе пра знішчэнне той групоўкі, якая ў аўторак у суседнім Славянскім раёне зладзіла засаду на ўкраінскіх дэсантнікаў — тады загінулі 7 ўкраінскіх вайскоўцаў.
0
0
0
0
0
0
