Кампанія МТС з 26 мая павялічыць кошт некаторых паслуг сувязі, паведамілі ў прэс-службе кампаніі.
Як адзначаецца ў паведамленні, карэкціроўка абумоўлена ўсталяваным з пачатку бягучага года ўзроўнем інфляцыі і закране памер абаненцкай платы, унутрысеткавыя выклікі, SMS, а тасама некаторыя сэрвісныя паслугі.
Расходы абанентаў на паслугі сувязі ў сярэднім павялічацца на 8 працэнтаў.
МТС пакіне без змяненняў кошт мабільнага і фіксаванага Інтэрнэту. Таксама на ранейшым узроўні застанецца плата за званкі на нумары іншых аператараў, міжнародныя выклікі, паслугі міжнароднага роўмінгу, усе пазіцыі на сацыяльным тарыфным плане «Асаблівы».
Не зменяцца і ўмовы выплат за абсталяванне, набытае ў растэрміноўку.
Азнаёміцца з новымі тарыфамі можна на сайце мабільнага аператара.
