19.05.2014 / 19:58

Ён сыходзіць: Раян Гігз заявіў пра завяршэнне кар'еры 4

Валійскі паўабаронца «Манчэстар Юнайтэд» Раян Гігз паведаміў, што завяршае кар'еру футбаліста. 40-гадовы хаўбек будзе асістэнтам новага галоўнага трэнера манкуніянцаў Луі ван Гала.

PA

«Я заўсёды марыў гуляць за «МЮ». Хоць мне сумна ад таго, што я зноў не надзену майку гэтага клуба ў якасці гульца, я магу сказаць, што змог ажыццявіць сваю мару.

Мне пашанцавала гуляць з аднымі з найлепшых футбалістаў свету пад кіраўніцтвам такога трэнера, як Алекс Фергюсан. Акрамя таго, я гуляў для найлепшых фанатаў у свеце. Я заўсёды адчуваў і цаніў вашу падтрымку», — напісаў Гігз у адкрытым лісце.

Гігз выступаў за «МЮ» з 1990 года. За гэты час гулец зборнай Уэльса выйграў 34 трафеі з «МЮ», у тым ліку — 13 чэмпіянатаў Англіі, 4 Кубкі і 9 Суперкубкаў Англіі, 2 Лігі чэмпіёнаў.

Гігз з'яўляецца рэкардсменам Англійскай прэм'ер-лігі па колькасці матчаў (632), рэкардсменам «МЮ» па колькасці афіцыйных матчаў (963), а таксама рэкардсменам па колькасці матчаў у еўракубках (157).

0
() / Адказаць
19.05.2014 / 20:08
Гуд бай.
0
Кельт / Адказаць
19.05.2014 / 23:20
Я думау, ты дауно ужо на пэнсии, Раян!
0
Юрэк / Адказаць
20.05.2014 / 08:27
Прыягджай к нам! Будзешь сборную тренировать.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру