Народныя дэпутаты Украіны прагаласавалі за прыняцце «Мемарандума міру і згоды», узгадніўшы прапанову аб статусе расейскай мовы.
За прыняцце гэтага рашэння прагаласавалі 252 народных дэпутата.
Пры гэтым фракцыі «Партыі рэгіёнаў» і «Свабода» не галасавалі.
Галасаванне адбылося пасля пасяджэння пагаджальнага савета. На ёй дэпутаты ўзгаднілі абзац аб статусе расейскай мовы.
«Разам з канстытуцыйным статусам украінскай мовы як дзяржаўнай, Вярхоўная Рада забяспечыць гарантаванне статусу расейскай мовы. Дзяржава таксама гарантуе падтрымку моў нацыянальных меншасцяў у месцах іх кампактнага пражывання», — зачытаў узгоднены абзац Турчынаў.
Дэпутаты прынялі ў цэлым праект Мемарандума, пададзены народным дэпутатам ад ПР Вадзімам Навінскім з пэўнымі папраўкамі. У прыватнасці, былі ўнесены пункты аб садзейнічанні правядзенню выбараў прэзідэнта 25 мая.
Таксама з праекта Навінскага прыбралі прапанову аб замацаванні пазаблокавага статусу Украіны.
