21.05.2014 / 22:50

Пахаванне для супергероя: труну з целам 5-гадовага хлопчыка, які памёр ад раку, неслі Бэтман і Чалавек-павук 2

Супермэн, Тор, Жалезны чалавек і некалькі іншых супергерояў неслі труну падчас пахавання пяцігадовага Брэйдана. 

Маленькаму Брэйдану Дэнтану з Індыяны (ЗША) паставілі дыягназ «рак мозга» 20 красавіка 2013 года. З таго часу пачалося яго змаганне з хваробай, якая патроху, але няўмольна перамагала. 

«Спачатку ён перастаў хадзіць. Тэрапія на нейкі час дапамагла, ён змог падняцца з ложка. Потым яму зноў стала горш, ён быў нават не ў стане што-небудзь з'есці ці выпіць…» — распавядае маці Брэйдана Стэйсі Дэнтан. 

Па словах Стэйсі, падчас кожнай працэдуры ў хлопчыка была з сабою фігурка нейкага супергероя. Брэйдан з трохгадовага ўзросту быў вялікім фанатам супергерояў. Больш за ўсіх ён любіў Чалавека-павука.

8 мая хлопчык памёр. Стэйсі вырашыла належным чынам ушанаваць мужнасць маленькага чалавечка, які змагаўся да апошняга. 

«Я адчувала, што, калі б сын глядзеў на нас з нябёсаў, ён быў бы шчаслівы», — кажа яна. 

Сярод тых, хто нёс труну, быў брат Стэйсі ў ролі Тора і яе стрыечны брат, апрануты Жалезным чалавекам. 

0
Як жа гэта па-людску ў іх / Адказаць
22.05.2014 / 09:50
!!!
1
giedras / Адказаць
22.05.2014 / 10:39
Читал, как весь город участвовал в шоу для этого малыша... Всего пять лет, о господи... Есть ли у тебя совесть, Боженька? Зямля пухом, Брэйден!
Каб пакінуць каментар, калі ласка, актывуйце JavaScript у наладах свайго браўзеру