На чыгуначнай станцыі «Харкаў - Пасажырскі» пры спробе перасячэння расійска-ўкраінскай мяжы быў затрыманы грамадзянін РФ.
Пра гэта паведамляе прэс-служба Службы бяспекі Украіны.
Было высветлена, што 39-гадовы грамадзянін РФ з'яўляецца снайперам і браў удзел у ваенных дзеяннях на тэрыторыі Чачэнскай Рэспублікі.
Падчас допыту следчымі СБУ затрыманы распавёў, што па заданні расійскай спецслужбы накіроўваўся ва ўсходнія вобласці Украіны для ўдзелу ў незаконных узброеных фарміраваннях.
Перад ад'ездам ва Украіну снайпер прайшоў падрабязны інструктаж у Растове-на-Доне.
За сваю «працу» ён павінен быў атрымаць узнагароджанне: за забойства радавога ўкраінскага вайскоўца — $ 100, за афіцэра — $ 1000, а па вяртанні яшчэ 2000 еўра.
Зараз іншаземец пад вартай. Ідзе следства.
