Урад Украіны вырашыў пытанне прыцягнення валюты для выплаты па знешніх абавязацельствах у 2014 годзе, заявіў ўчора міністр фінансаў Украіны Аляксандр Шлапак.
«Я лічу, што мы можам гэта сцвярджаць», — сказаў Шлапак, адказваючы на пытанне пра тое, ці можна сцвярджаць, што ўрад Украіны вырашыў пытанне з прыцягненнем валюты для выплаты па знешніх абавязацельствах сёлета, перадае УНІАН.
«Праблем ва ўрада з валютай, каб заплаціць па знешніх абавязацельствах, не будзе ніякіх», — падкрэсліў міністр.
Паводле яго слоў, Украіна прыцягвае дастатковы аб'ём фінансавання на прымальных умовах. У прыватнасці, крэдыты сусветнага банка на 1,5 млрд даляраў прыцягнутыя па стаўцы 0,9 % гадавых, а еўрабонды на 1 млрд даляраў пад дзяржгарантыі ЗША размешчаны пад 1,85% гадавых.
Шлапак адзначыў павышаную цікавасць інвестараў да Украіны, нягледзячы на няспыннае напружанне на ўсходзе краіны.
У прыватнасці, падчас апошняга размяшчэння еўрабондаў аблігацыі ўрада Украіны куплялі не толькі пенсійныя фонды, але і даўнія партнёры, якія з разуменнем ставяцца да сітуацыі ў краіне.
