Урад Беларусі плануе ў бліжэйшы час скарэкціраваць падыходы да пераводу сацыяльнага жылля ў камерцыйнае, заявіў сёння віцэ-прэм'ер Анатоль Тозік на сумесным пасяджэнні абедзвюх палат беларускага парламента, адказваючы на пытанне дэпутата Валерыя Гайдукевіча.
«Калі мы сутыкнуліся з практычнымі пытаннямі, зразумелі, што нешта не дадумалі. Цяпер урад інтэнсіўна працуе над тым, каб была адпаведнасць цвярозаму розуму. У чэрвені прыйдзем да нейкага рашэння», — сказаў віцэ-прэм'ер.
Валерый Гайдукевіч адзначыў, што ветэранам баявых дзеянняў у Афганістане і іншых ваенных канфліктаў у свой час было выдзелена сацыяльнае жыллё. У адпаведнасці з указам нумар 563 усё сацыяльнае жыллё пераходзіць у камерцыйнае. «Цяпер людзі, якія не могуць прыватызаваць жыллё, каб не плаціць арэндную плату, у абавязковым парадку павінны заключыць дагавор на камерцыйнае жыллё. Размова ідзе аб даволі вялікіх сумах», — сказаў дэпутат.
