01.06.2014 / 09:28

Расія ўзначаліла Раду бяспекі ААН 9

Расія прымае ў нядзелю старшынства ў Радзе Бяспекі Арганізацыі Аб'яднаных Нацый. У маі працу асноўнай структуры сусветнай арганізацыі ўзначальвала Паўднёвая Карэя, а ў ліпені пасаду старшыні Савета бяспекі пяройдзе ад Расіі да Руанды.

Як заявіў расійскім журналістам у штаб-кватэры ААН пастаянны прадстаўнік РФ пры ААН Віталь Чуркін, графік працы Рады бяспекі «абяцае быць напружаным». «Шмат увагі будзе нададзена Блізкаму Усходу: мы абмяркуем хаду блізкаўсходняга ўрэгулявання, становішча ў Емене, Лівіі, працэс хімічнай дэмілітарызацыі Сірыі, гуманітарную абстаноўку ў гэтай краіне», - сказаў ён.

Па словах дыпламата, на працягу месяца пройдзе паседжанне па Афганістане, а таксама серыя сустрэч па афрыканскай тэматыцы, у тым ліку па сітуацыях у Малі і Кот-д'Івуара. Таксама будуць абмяркоўвацца ўзаемаадносіны паміж Суданам і Паўднёвым Суданам.

Нягледзячы на тое, што ў плане работы Рады бяспекі ААН на месяц пакуль не прадугледжаны асобныя сустрэчы па Украіне, сталы прадстаўнік РФ не выключыў магчымасці іх правядзення. «Кожны член Рады Бяспекі мае права запытаць правядзенне пасяджэння па любой сітуацыі, якая, на яго думку, можа несці пагрозу міжнароднаму міру і бяспецы. Так што тут не выключаны ніякія сюрпрызы», - заявіў Чуркін.

Хочаш падзяліцца важнай інфармацыяй ананімна і канфідэнцыйна?

0
дада / Адказаць
01.06.2014 / 10:37
Украина, держись!
0
Николай / Адказаць
01.06.2014 / 11:18
Организацию можно переформатировать, как несправляющуюся с возникающими ситуациями.
0
БР / Адказаць
01.06.2014 / 11:35
@Организацию можно переформатировать, как несправляющуюся с возникающими ситуациями.@ Это надо было делать когда США напали на Югославию. А что сейчас-то?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру