01.06.2014 / 09:53

АГП вылучыла Анатоля Лябедзьку кандыдатам на прэзідэнцкія выбары 62

Учора на з’ездзе Аб’яднанай грамадзянскай партыі вызначаўся не толькі старшыня арганізацыі, але і чалавек, які прадставіць АГП на наступных прэзідэнціх выбарах.

Спіс для галасавання быў вельмі шырокім, у яго ўвайшло аж 33 прозвішчы. Найбольшую колькасць галасоў набралі Анатоль Лябедзька, былы дэпутат Вярхоўнага Савета Аляксандр Дабравольскі, а таксама гамяльчук Васіль Палякоў.

Урэшце было вырашана, што ў працэдуры вызначэння адзінага кандыдата ад АГП будзе ўдзельнічаць Анатоль Лябедзька.

Нагадаем, што на выбарах-2010 АГП рэпрэзентаваў эканаміст Яраслаў Раманчук. У 2005 годзе Анатоль Лябедзька прайграў галасаванне аб вызначэнні адзінага ад апазіцыі Аляксандру Мілінкевічу.

Лябедзька – гэта другі апазіцыйны палітык, які выказаў жаданне ўдзельнічаць у прэзідэнцкіх выбарах-2015. Раней аб такой магчымасці заяўляў лідар «Гавары праўду», паэт Уладзімір Някляеў. Шмат размоваў адносна ўдзелу ў выбарах Вольгі Карач з Віцебска, аднак сама яна пакуль не пацвярджае іх.

Анатоль Лябедзька нарадзіўся ў вёсцы Трылес Стаўпецкага раёна. Сёлета яму споўніцца 53 гады. Скончыў факультэт гісторыі і францускай мовы Мінскага педінстытуту, у 1993 – юрыдычны факультэт Беларускага дзяржаўнага ўніверсітэту. Дэпутат Вярхоўнага Савета 12-га і 13-га скліканняў. Ад 2000 года – старшыня АГП.

За Плошчу 2010 года быў кінуты ў «Амерыканку», але красавіку адпушчаны. Прашэнне на імя Лукашэнкі не падпісаў. Неаднаразова за сваю дзейнасць адбываў пакаранні на Акрэсціна. Жанаты, мае сына.

Хочаш падзяліцца важнай інфармацыяй ананімна і канфідэнцыйна?

ЗП

0
Пн тмн Грцн Тврчскй / Адказаць
01.06.2014 / 09:55
ПНХ ПТХ
0
Pan Mihal / Адказаць
01.06.2014 / 10:01
Цыркачи. Обычная серая массовка.
0
Пятро Касьнерык / Адказаць
01.06.2014 / 10:17
Pan Mihal напiсаў(ла) 1 чэрвеня 2014 у 10:01 Цыркачи. Обычная серая массовка. \\\\\\\\\\\\\ СЕРАя ці чырвоная але ДВАДЦАЦЬ годоў жыцьця Беларусь страціла з-за яе(мосовки)
Паказаць усе каментары/ 62 /
Каб пакінуць каментар, калі ласка, актывуйце JavaScript у наладах свайго браўзеру