У Івацэвічах 6 чэрвеня старшакласнік атрымаў апёкі, спрабуючы вырабіць порах.
Як паведаміў прэс-сакратар Брэсцкага абласнога ўпраўлення МНС Сяргей Машноў, паводле папярэдніх даных, 15-гадовы мясцовы жыхар прачытаў у інтэрнэце інфармацыю, як зрабіць порах у хатніх умовах. Падчас яго вырабу адбылася ўспышка без наступнага гарэння. У выніку школьнік атрымаў тэрмічныя і хімічныя апёкі твару і рук І—ІІІ ступені (15% плошчы цела).
Пацярпелы шпіталяваны ў Івацэвіцкую цэнтральную раённую бальніцу. Яго стан сярэдняй ступені цяжкасці.
Праверку па факце атрымання апёкаў праводзяць інспекцыя дзяржаўнага пажарнага нагляду Івацэвіцкага РАНС і Івацэвіцкі РАУС.
0
0
0
0
0
0
