07.06.2014 / 13:40

Рэктар Інстытута культуры папаўся на хабары 2 тыс. даляраў 9

Следчым камітэтам распачата крымінальная справа ў дачыненні да рэктара дзяржаўнай установы адукацыі «Інстытут культуры Беларусі» (Інбелкульт). Кіраўнік установы падазраецца ў атрыманні хабару, паведаміла ў сваім фэйсбуку афіцыйны прадстаўнік Следчага камітэта Юлія Ганчарова.

Устаноўлена, што рэктар інстытута, маючы намер на атрыманне для сябе матэрыяльных каштоўнасцяў, атрымаў хабар у памеры 2000 даляраў ЗША за спрыяльнае рашэнне пытанняў, якія ўваходзяць у яго кампетэнцыю.

Крымінальная справа заведена на падставе матэрыялаў, прадстаўленых УБЭП ГУУС Мінгарвыканкама, супрацоўнікі якога затрымалі падазраванага ў момант атрымання хабару.

Дзеянні службовай асобы кваліфікаваныя па ч. 1 арт. 430 Крымінальнага кодэкса Рэспублікі Беларусь, з ім працуюць следчыя.

Падрабязнасці затрымання будуць паведамленыя дадаткова.

Дзяржаўная ўстанова адукацыі «Інстытут культуры Беларусі» створаны ў 2010 г., з'яўляецца ўстановай дадатковай адукацыі дарослых, якая забяспечвае павышэнне кваліфікацыі і перападрыхтоўку кадраў у сферы культуры. Інбелкульт з'яўляецца правапераемнікам установы адукацыі «Беларускі дзяржаўны інстытут праблем культуры» (БелДІПК), які пачаў сваю дзейнасць у 1991 г. 

На сайце Інбелкульта рэктарам называецца Канстанцін Рамішэўскі.

0
Pich / Адказаць
07.06.2014 / 15:38
Прекрасно! Что ещё можно сказать...
0
. / Адказаць
07.06.2014 / 17:42
...зняў шэраг мастацкіх фільмаў, сярод якіх мастацкія стужкі «Приговор» і «Не понимаю» (рэжысёр Наталля Шылок, 1985 и 1988 гг.), «Романтик» (рэжысёр Марк Браўдэ, 1989 г.)... Сымптаматычна.
0
ftp / Адказаць
07.06.2014 / 19:10
гэта меньш, чым яго месячны заробак. не зразумела
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру