11.06.2014 / 16:40

Генерал Валерый Фралоў мае намер балатавацца ў прэзідэнты 24

Былы дэпутат Палаты прадстаўнікоў, сябра Беларускай сацыял-дэмакратычнай партыі (Грамада) генерал Валерый Фралоў вырашыў вылучыць сваю кандыдатуру на выбарах прэзідэнта ў 2015 годзе. 

Пра гэта палітык паведаміў БелаПАН.

Фралоў адзначыў, што ён з'яўляецца прыхільнікам вылучэння адзінага кандыдата «не толькі ад апазіцыі», і будзе гатовы зняцца на карысць больш папулярнага прэтэндэнта. «Адзіны кандыдат — гэта не панацэя. Дай бог, каб такое здарылася, але я ў гэта слаба веру», — сказаў ён.

На думку палітыка, лепшай перадвыбарчай стратэгіяй было б вылучэнне некалькіх кандыдатаў, «кампетэнтных у розных сферах». «А потым напярэдадні выбараў паглядзець на рэйтынгі, зняцца на карысць гэтага чалавека (з найвышэйшым рэйтынгам), Запрасіць сваіх прыхільнікаў прагаласаваць за яго і такім чынам выйсці на рэальнага адзінага», — дадаў Фралоў.

Палітык падкрэсліў, што плануе абапірацца перш за ўсё на падтрымку афіцэраў і інтэлігенцыі. Акрамя таго, ён перакананы, што атрымае падтрымку сваёй партыі.

Валерый Фралоў ужо вылучаўся ў прэзідэнты ў 2006 годзе, але змог сабраць крыху больш за 58 тысяч подпісаў пры неабходных для рэгістрацыі 100 тысячах. Сам Фралоў патлумачыў гэта недахопам фінансавання. Тады палітык падтрымаў кандыдата ў прэзідэнты ад сваёй партыі Аляксандра Казуліна.

0
дан прыказ ему на запад / Адказаць
11.06.2014 / 16:53
А зараз у рашы абітает?
0
Андрей / Адказаць
11.06.2014 / 17:05
Абитает на Ангарской в Минске. И в Рашу не собирается. В отличие от тов Лебедько, который с дружественными визитами регулярно наведывается в Москву.
0
666 / Адказаць
11.06.2014 / 17:14
Ну проста як Піліпка з канапель. І што яму на пенсіі не сядзіцца? Дзед, унукаў гадуй...
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру