13.06.2014 / 20:55

Два незалічаныя галы, але Мексіка ўсё адно перамагла Камерун ВІДЭА 4

Джавані Дос Сантас: суддзя не залічыў два ягоных галы.

Пасля двух матчаў Мундыялю асноўнай застаецца судзейская тэма. Спачатку абмяркоўвалі, ці правільна быў прызначаны пенальці ў вароты зборнай Харватыі, наступны дзень прынёс два незалічаных галы мексіканцаў.

Калумбіец Вільмар Рольдан наўрад ці атрымае добрую адзнаку за судзейства матча Мексіка – Камерун. Спачатку на 11-ай хвіліне пасля адмашкі лайнсмана быў адменены гол Дос Сантаса. Яшчэ праз чвэрць гадзіны не залічылі яшчэ адзін гол Дос Сантаса. Паўторы сведчаць, што абодва разы арбітр памыліўся.

Дзеля справядлівасці варта нагадаць, што быў адменены гол Шупа-Мацінга з Камеруна, але там асістэнт Самюэль Это’о быў у відавочным афсайдзе.

На шчасце, памылкі арбітра не паўплывалі на вынік. На 61-ай хвіліне ўсё той жа небарака Дос Сантас запароў чарговы момант, але на дабіванні першым быў Арыбе Перальтэ – 1:0.

Напрыканцы камерунцы валодалі ініцыятывай, але лік так і застаўся ранейшым. Хаця брамніку Гільерме Ачоа і давялося прадэманстраваць майстэрства пасля ўдара Бенжамена Муканджа. Мексіканцы мінімальна перамаглі.

Цяпер у групе А такая сітуацыя: Бразілія, Мексіка – па 3 пункты, Камерун – Харватыя – 0.

Сёння гуляюць таксама Іспанія – Нідэрланды (а 22), Чылі – Аўстралія (а 01:00).

ЗП

0
giedras / Адказаць
13.06.2014 / 22:58
Док. Албан плачед...
0
Жэўжык / Адказаць
14.06.2014 / 00:17
Это'о здуўся. Нагуляўся ў "Анжы".
0
Мордехай Вырвиглаз / Адказаць
14.06.2014 / 00:35
Доктор Албан - нигериец. Он будет плакать не раньше вторника, а скорее всего, когда им Аргентина через 2 недели настреляет. Из камерунского вот есть Ришар Бона. Хотя сами камерунцы слушают мясцовы хип-хоп - типа франко-африканский, только как правило с ритмом втрое быстрее привычного, под тамтамы. Вот мексиканская музыка все ж ближе. В ней и крестьянские мотивы с пасторалями, и любовные баллады со слезами под гитару, и острополитические частушки под гармонь, и лирика про контрабандистов (целый жанр в искусстве), и гопота ноющая под бит про тяжкую жизнь пацанофф на раёне. И картошка у них, и пиво, и гарэлка своя, и колбаса пальцем пханая. И пьют они спокойно, закусывая овощами (это американские турысты придумали залпы с лимоном как дебилы), ну блин, один в один.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру