15.06.2014 / 09:19

Любоў да футбола прывяла лідара калумбійскіх паўстанцаў да арышту 2

Адзін з лідэраў калумбійскай паўстанцкай «Арміі нацыянальнага вызвалення» (АНВ) Альфрэда Гансалес апынуўся ў наручніках праз сваю жарсць да футбола, паведамляе калумбійскае выданне El Tiempo.

30-гадовы Гансалес абсталяваў спецыяльную залу для прагляду чэмпіянату на адной з віл у раёне Міна-Праекта (дэпартамент Балівар). Ён замовіў спадарожнікавую антэну і арганізаваў завоз ў дом правізіі і спіртнога на некалькі дзён, хоць звычайна ў адным месцы больш за суткі не заставаўся.

Але адзін з баевікоў, які ўдзельнічаў у ахове дома, здаў паліцыянтам адрас вілы, дзе Гансалес будзе глядзець першыя матчы чэмпіянату. «Гансалес замаўляў для сябе дарагія лікёры, вытанчаную ежу, да яго прывозілі жанчын», — з абурэннем расказвае баявік. На аснове яго паказанняў ўлады распрацавалі спецыяльную аперацыю з удзелам спецпадраздзяленняў паліцыі і вайсковых сіл. Пры затрыманні Гансалес супраціву не аказаў.

АНВ — другая па сіле партызанская групоўка ў краіне пасля «Рэвалюцыйных узброеных сіл» (РУСК). У АНВ каля 2,5 тысячы байцоў. Як і РУСК, АНВ уключана ЗША і ЕС у спіс тэрарыстычных арганізацый.

Гансалес мае мянушку «Аднарукі», бо страціў левую руку. 

Падраздзяленне паўстанцаў, якім камандаваў Гансалес, займалася выкраданнем людзей і кантралявала ў дэпартаменце Балівар нелегальную здабычу золата. Паўстанцы Гансалеса бралі з нелегальных золатаздабытчыкаў да 60% выпрацоўкі. Мясцовая прэса паведамляе, што адна нелегальная золатаздабыўчая шахта можа даць у месяц да 23 кілаграмаў золата.

СГ

0
))) / Адказаць
15.06.2014 / 17:26
паўстанцаў???? бандытау мо?
0
правінцыял / Адказаць
16.06.2014 / 18:04
А калісьці пачыналі па ўзору Чэ Гевары. Адзін з заснавальнікаў АНО, калі не памыляюся, каталіцкі падрэ К.Торэс, які загінуў у баі. А зараз - ну проста "залатая мара" сепаратыстаў з ЛНР ці ДНР.
Каб пакінуць каментар, калі ласка, актывуйце JavaScript у наладах свайго браўзеру