16.11.2007 / 14:46

Прыхільнікі й праціўнікі Лукашэнкі сышліся ля сьцен беларускага пасольства ў Маскве

Расейскае моладзевае аб’яднаньне «Абарона» правяло каля пасольства Беларусі ў Маскве акцыю салідарнасьці зь беларускай апазыцыяй. Тут жа пракрамлёўскі рух «Расея маладая» правёў уласную контраакцыю.

Расейскае моладзевае аб’яднаньне «Абарона» правяло каля пасольства Беларусі ў Маскве акцыю салідарнасьці зь беларускай апазыцыяй. Як паведамляе карэспандэнт Ленты.Ру зь месца падзей, у ёй узялі ўдзел дзесяць чалавек, яны асьвісталі пасольства й выгуквалі лёзунгі: «Жыве Беларусь!» і «Беларусь — у Эўропу, Лукашэнку — у …».

Пракрамлёўскі рух «Расея маладая» правёў уласную контраакцыю: ягоныя актывісты раскідалі каля пасольства ўлёткі зь лёзунгам «Аранжавы дурман, валі за акіян». Як паведамілі Ленце.Ру ў прэсавай службе «Расеі маладой», у гэтай контраакцыі ўзялі ўдзел 15 чалавек, пяцёра зь іх былі затрыманыя. У той жа час карэспандэнт Ленты.Ру ўдакладняе, што «румолаўцаў» было ня больш за дзесяцёра, а затрымалі траіх зь іх.

«Румолаўцы» сваёй контраакцыяй выразілі пратэст супраць «нагнятаньня гістэрыі вакол Беларусі», — распавялі ў прэсавай службе руху.

«Абарона» прымеркавала сваю акцыю да дня салідарнасьці з ахвярамі палітычных рэпрэсій у Беларусі, які апазыцыянэры адзначаюць 16‑га дня кожнага месяца.

Паводле «Лента.Ру»

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру