27.06.2014 / 20:27

Лукашэнка станцаваў з самай надзейнай выпускніцай і заклікаў студэнтаў не з'язджаць ФОТАФАКТ 21

«Звязвайце сваю будучыню абавязкова з Беларуссю. Не шукайце прывіднага шчасця за яе межамі. Бо па-сапраўднаму можна быць шчаслівым толькі на Радзіме, сярод сваіх сяброў і блізкіх. Яшчэ вядомы філосаф Вальтэр казаў, што людзі нярэдка ідуць далёка шукаць тое, што маюць у сябе дома», — заявіў Аляксандр Лукашэнка 27 чэрвеня на рэспубліканскім балі выпускнікоў вышэйшых навучальных устаноў. 

president.gov.by

«У заўтрашні дзень вы можаце глядзець упэўнена і смела. Суверэнная і незалежная Беларусь — дзяржава маладая і ўяўляе вялікую прастору для прыкладання вашых сіл і здольнасцяў», — цытуе кіраўніка дзяржавы яго прэс-служба. 

Як адзначыў Лукашэнка, атрыманне дыплома аб вышэйшай адукацыі, а разам з ім і трывалых ведаў адкрывае перад выпускнікамі шырокія перспектывы. «Дзейнічайце, стварайце, стаўце перад сабой амбіцыйныя мэты і старайцеся дасягаць іх. Толькі не будзьце пасіўнымі і, самае галоўнае, не палохайцеся жыццёвых цяжкасцяў. Смела, мэтанакіравана ідзіце наперад. Тады прыйдзе да вас і поспех у справах, і прызнанне калег», — наказваў выпускнікам прэзідэнт. 

Лукашэнка таксама падкрэсліў важнасць як для кожнага з выпускнікоў, так і для ўсёй краіны таго факту, што яны папоўняць рады спецыялістаў з вышэйшай адукацыяй — людзей, ад умення і энергіі якіх шмат у чым залежыць дабрабыт дзяржавы і грамадства, развіццё эканомікі, культуры і іншых сфер жыццядзейнасці. 

Дзяржава, паводле слоў Лукашэнкі, стараецца стварыць спрыяльныя ўмовы для станаўлення маладых спецыялістаў, павышэння іх кваліфікацыі і кар'ернага росту. Таму ён заклікаў выпускнікоў актыўна далучацца да мадэрнізацыі эканомікі, распрацоўкі і ўкаранення найноўшых тэхналогій, рэалізацыі перспектыўных сацыяльных і культурных пытанняў.

0
Света / Адказаць
27.06.2014 / 20:55
Волосы какие шикарные у дзевушки! или это парик?
0
Наш пострел вездзе паспел / Адказаць
27.06.2014 / 20:56
Ужо без танцаў мог бы абыйсціся, лезе да маладых. фу!
0
Валацуга / Адказаць
27.06.2014 / 21:06
какая красівая пара...Хараша Маша да жэна Наташа.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру