28.06.2014 / 11:36

З Гродзенскага медуніверсітэта звольнены беларускамоўны прафесар Астроўскі 73

Паводле афіцыйнай вэрсіі, доктар мэдычных навук, прафэсар Алесь Астроўскі не прайшоў па конкурсе на замяшчэньне пасады прафэсара.

Прафэсар Астроўскі — адзіны выкладчык у Гарадзенскім мэдунівэрсытэце, які дагэтуль працягваў чытаць лекцыі па-беларуску.

Прафэсар Астроўскі распавёў, што яму папросту патэлефанавала сакратарка з аддзелу кадраў і паведаміла, што ён не прайшоў конкурсу на заняцьце вакантнай пасады прафэсара, і прапанавала забраць працоўную кніжку.

Астроўскі: «Вельмі дзіўна выглядала тое, што хоць я адпрацаваў 34 гады ў мэдунівэрсытэце, 20 зь якіх — на пасадзе прафэсара, са мной нават не пагаварылі ні дэкан, ні рэктар. Зрэшты, я ня першы ўжо ў такой сытуацыі. Сёньня, відавочна, выкладчыкі і навукоўцы, якія выкладаюць па-беларуску і выхоўваюць нашу моладзь у патрыятычным духу, асабліва ў мэдычнай ВНУ, непатрэбныя. Я ўжо восьмы выкладчык і чацьвёрты прафэсар у нашых гарадзенскіх навучальных установах, якога звольнілі такім чынам».

Алесю Астроўскаму застаецца да пэнсіі яшчэ два з паловай года, у яго трое непаўналетніх дзяцей. Паводле яго, месячная дапамога па беспрацоўі ад дзяржавы складае 300 тысяч у месяц, але ад такой дапамогі ён вырашыў адмовіцца. Шукае працы, пакуль безвынікова.

0
голас з цемры / Адказаць
28.06.2014 / 11:48
Ну не веру я, каб зараз чалавека звальнялі толькі за тое, што чытае лекцыі па-беларуску. Калі ён лічыць гэта асноўнай прычынай, няхай падае ў суд і адстойвае свае правы. Хоць найбольш верагодным падаецца, што гэта проста чарговы прэтэндэнт на польскую стыпендыю, як і Чарнякевіч, Соркіна і шэраг іншых "ахвяр" з гарадзенскай тусоўкі, якія знайшлі сабе някепскую кармушку. Чаму "скандальныя звальненні" з адпаведнай кампаніяй у СМІ адбываюцца толькі ў Гародні? І ці варта абвінаваць у гэтым адных толькі прадстаўнікоў мясцовай улады? Варта задумацца.
0
Ірэна / Адказаць
28.06.2014 / 11:55
Няўжо не засталося ў нас уплывовых людзей, неабыякавых да беларускай ідэі, якія проста абавязаны дапамагчы прафесару ў гэтай сітуацыі ?
0
Студэнцкая Рада / Адказаць
28.06.2014 / 12:30
Ёсьць сапраўды прапанова напісаць пазоў у суд, бо суды хоць і "несправядлівыя", але ўсё можа быць.
Паказаць усе каментары/ 73 /
Каб пакінуць каментар, калі ласка, актывуйце JavaScript у наладах свайго браўзеру