Як паведамлялася, кіраўнікі трох расійскіх тэлекампаній заклікалі тэрарыстаў так званай «Луганскай народнай рэспублікі» адпусціць з палону журналістаў «Громадське ТВ».
І тыя пагадзіліся. Пра гэта паведамляе «Інтэрфакс».
«Мы іх, вядома, выпусцім. Яны нам не патрэбныя. Але ім прыйдзецца з'ехаць дадому, паколькі на тэрыторыі ЛНР гэтыя журналісты працавалі без акрэдытацыі», — заявіў агенцтву т.зв. «прэм'ер ЛНР» Васіль Нікіцін.
Ён сказаў, што да ўсіх журналістаў, якія працуюць у Луганскай вобласці, прад'яўляюцца адзіныя патрабаванні: аформіць акрэдытацыю ў «ЛНР» і выкарыстоўваць сродкі індывідуальнай абароны.
У той жа час, кіраўнік украінскай групы па вызваленні журналістаў, дэпутат Юры Стэць паведаміў, што з гэтай справай усё складана, да спецаперацыі прыцягнутыя ўсе сілавыя ведамствы.
Раней адзін з лідэраў тэрарыстаў Болатаў абвінаваціў журналістку Станко і аператара Бескаравайнага ў «шпіянажы на карысць украінскіх уладаў» і заявіў пра намер правесці следства, пасля чаго вынесці рашэнне пра іх далейшы лёс.
А «кіраўнік прэс-службы ЛНР» Уладзімір Инагародскіх заявіў, што ў рэгіёне да Станко і Бескаравайного будуць ставіцца як да дыверсантаў.
«Яны ўжо не журналісты, яны ўжо ваеннапалонныя шпіёны, і таму стаўленне да іх будзе не як да журналістаў, а як да дыверсантаў», — заявіў ён у сераду ў Луганску.