07.07.2014 / 20:01

Памёр легендарны футбаліст Альфрэда дзі Стэфана 3

Легендарны футбаліст Альфрэда дзі Стэфана памёр сёння ў адной з клінік Мадрыда, паведамляюць сусветныя СМІ.

AP

Дзі Стэфана 4 ліпеня споўнілася 88 гадоў, на наступны дзень ён перанёс сардэчны прыступ і быў уведзены ў штучную кому.

Альфрэда Дзі Стэфана нарадзіўся ў Аргенціне ў 1926 г., ён адзін з самых вядомых гульцоў у свеце. З 1956 па 1960 у складзе мадрыдскага «Рэала» выйграваў Кубак еўрапейскіх чэмпіёнаў. З каралеўскім клубам таксама выйграў восем чэмпіянатаў Іспаніі. У 282 матчах чэмпіянату забіў 216 галоў.

У 1957 і 1959 гг. ён атрымліваў «Залаты мяч» часопіса «Франс футбол» — узнагароду найлепшаму гульцу Еўропы.

Яго бацькі былі італьянцы. Кар'ера футбаліста пачалася ў «Рывер Плэйце» ў Буэнас-Айрэсе. Падчас 22-гадовай кар'еры ён гуляў у зборных Аргенціны, Калумбіі і Іспаніі, але ніколі не ўдзельнічаў у чэмпіянаце свету. Ён скончыў сваю кар'еру ў 1967 годзе ва ўзросце 40 гадоў. Быў ганаровым прэзідэнтам «Рэала», яго імем названы прыз найлепшаму гульцу чэмпіянату Іспаніі.

0
Я / Адказаць
07.07.2014 / 20:24
Вялiкi жаль.. На самой справе вялiкi майстра.. Зямля пухам. Спачуваннi блiзкiм.
0
Volc / Адказаць
08.07.2014 / 09:48
Кароль футболу.
0
Ліпень 8 / Адказаць
08.07.2014 / 22:59
...а кар’ера футбольная пачалася ў "Рывэр Плэйт" - той самы клюб, фанаты якога зладзілі шэсьце амаль 2 гады таму з 8-км. бел-чырвона-белай стужкаю: http://www.racyja.com/index.php?id=151&zoom=4698#.U7xL8fGKC00
Каб пакінуць каментар, калі ласка, актывуйце JavaScript у наладах свайго браўзеру