08.07.2014 / 17:14

Дубай будуе першы ў свеце футурыстычны горад з клімат-кантролем 9

Дубай заявіў пра пабудову першага на планеце футурыстычнага горада з клімат-кантролем Mall of The World.

Амбіцыйны праект, як чакаецца, будзе ўключаць найбуйнейшы гандлёвы цэнтр і самы вялікі крыты сямейны тэматычны парк у свеце. Паводле інфармацыі забудоўшчыка Dubai Holding, сямікіламетровыя абшары крытых дарожак дазволяць цэлы тыдзень знаходзіцца ўсярэдзіне без неабходнасці выкарыстання аўтамабіляў ці ўплыву дубайскага жорсткага клімату пустыні.

У Mall of The World будуць размяшчацца 280 тысяч квадратных метраў санаторна-курортнага раёна і тэатраў, па ўзоры вядомых культурных помнікаў, як у Вэст-Эндзе і на Брадвеі. Там будзе 100 гатэляў, а ў цэлым гарадок будзе разлічаны на 180 мільёнаў наведвальнікаў штогод.

«Мэта — стварыць інтэграваны горад з мноствам лепшых у сваім класе параметраў у прыемным асяроддзі», — сказаў прэм'ер-міністр Аб'яднаных Арабскіх Эміратаў шэйх Мухамед Бэн Рашыд Аль Мактум ў заяве.

Ні бюджэт, ні дата завяршэння работ не былі абвешчаныя да гэтага часу. Mall of The World можа падацца незвычайным праектам, але Дубай — эмірат, які ўвесь час дзівіць сваімі будынкамі. І наогул у гэтым горадзе усё мае прыстаўку «самы». Напрыклад, Бурдж-Халіфа — самы высокі будынак у свеце — знаходзіцца менавіта ў Дубаі, самы вялікі феерверк свету адбыўся менавіта тут.

0
Глебс / Адказаць
08.07.2014 / 17:25
Чытаю ніжэй:... у Беларусі планіруецца вытворчасць 3D-прынтараў.. .
0
Scooter / Адказаць
08.07.2014 / 17:43
Хай бы на Марсе такі пабудавалі :)
0
іван пятровіч / Адказаць
08.07.2014 / 18:29
Вы штосьці блытаеце. Першымі ў свеце гарадамі з клімат-кантролем былі Садом і Гамора.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру