09.07.2014 / 16:12

Пекны горад? 5

Глыбокае з вышыні птушынага палёту

У дні святкавання 600-х угодкаў Глыбокага, якое ладзілася 3-5 ліпеня было мноства розных мерапрыемстваў. Ахвотныя, якіх не было адбою, за прымальны кошт у 160 тыс. беларускіх рублёў, маглі зрабіць захапляльнае падарожжа вакол Глыбокага на верталёце. Ладзіў яго Віцебскі аэраклуб. На борт бралі 7 чалавек. То можаце падлічыць, колькі аэраклуб зарабіў за адзін палёт, які цягнуўся не болей за 7 хвілінаў.

– Сабекошт эксплуатацыі адной гадзіны верталёта – 1000 даляраў,– патлумачыў аўтару фотаздымкаў прадстаўнік аэраклуба, які арганізоўваў пасадку пасажыраў. – Асаблівага прыбытку за 2 дні знаходжання ў Глыбокім мы не атрымаем, але і стратаў не будзе, выйдзем па нулях.

Я маю ў тэчках нямала здымкаў Глыбокага з верталёта розных гадоў. Але скажу толькі адно – Глыбокае за апошнія 3-5 гадоў змянілася радыкальна. Відавочна, на гэта паўплываў 2012 год, калі праводзіўся Дзень беларускага пісьменства і друку, тады і былі праведзеныя вялізныя працы па добраўпарадкаванні гораду. Мноства дамоў і розных вытворчых і адміністрацыйных будынкаў цяпер накрыта рознакаляровай дахоўкаў, шэры шыфер паступова адыходзіць у нябыт. Раней шыферныя дахі зліваліся ў адну шэрую пляму, што вельмі псавала агульнае ўспрыманне панарамы горада, ён выглядаў занадна неахайным. Нібыта і не райцэнтр, горад, а закінутая вёска…

Цяпер файна глядзець на горад з вышыні, які добраўпарадкаваны, дагледжаны, аточаны мноствам азёраў, шкада што ў аб’ектыў можа патрапіць не болей за пяць.

Я доўга думаў, які напісаць загаловак… І ўспомніў Кастуся Акулу, яго аповесці, трылогію «Гараватка»… Яго персанажы едуць на фурманцы па пыльнай дарозе з Крулеўшчыны ў Глыбокае. Перад імі з гары раптам паўстае панарама Глыбокага з храмамі і азёрамі.

- Пекны горад! Не? - пытае адзін у аднаго.
- Пекны!

(Заўвага: якасць здымкаў залежыць ад чысціні шыбаў у салоне верталёта)

Хочаш падзяліцца важнай інфармацыяй ананімна і канфідэнцыйна?

Уладзімір Скрабатун, Глыбокае

0
літвін / Адказаць
09.07.2014 / 17:04
Усе беларускія гарады выглядаюць з паветра (дый не толькі з паветра) жудасна, пачынаючы з Менску. Нейкі вэрхал шэра-брудных лабазаў, нібыта вар'ят з бадуна бульдозерам прайшоўся.
0
Ірэна / Адказаць
09.07.2014 / 17:21
Не, гэтыя ярка-блакітныя дахаўкі - дурны густ. Каларыстыка не беларуская !
0
Уладзімір Скрабатун / Адказаць
09.07.2014 / 18:09
Ірэна напiсаў(ла) Не, гэтыя ярка-блакітныя дахаўкі - дурны густ. Каларыстыка не беларуская! ============================================================ Прачытаў і згадаў свае 15 гадоў працы прарабам у Латвіі. Ведаеце, як лёгка пакрыўдзіць латыша? Яны не любяць сіні колер, ён ім нагадвае Пскоўшчыну (бедную, нямытую Расею) -- сінія платы, сінія хаты, разбітыя дарогі з лужынамі, і чартапалох на гародах пад самыя пахілыя стрэхі... Дык я часта жартаваў: "Зараз загадаю рабочым пафарбаваць ваш вытворчы корпус у сіні колер! А яны таксама жартам: "Ну тады ты паляціш адсюль з працы, добра, калі па ўласнаму жаданні!" Потым, ужо на радзіме, я шмат спрачаўся наконт сіняга колера... Напрыклад, з віцебскім краязнаўцам сп. М.Плавінскім (які, дарэчы, з Кастусём Акулам, сядзелі ў адных акопах): "Чаму Віцебск пафарбаваны пераважна ў сіні колер? Уплыў блізкай Расеі?" -- Не, Валодзя, ты не маеш рацыі! Сіні колер -- самы што ні ёсць наш беларускі! Вось, і паспрабуй, даказаць людзям, што сіні колер -- дурны густ!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру