Паводле звестак БелаПАН, у дачыненні да былога старшыні канцэрна «Белнафтахім» Ігара Жыліна расследуецца справа па артыкуле 424 Крымінальнага кодэкса (злоўжыванне ўладай ці службовымі паўнамоцтвамі).
Чыноўнік знаходзіцца пад вартай. Крымінальная справа была распачата Генеральнай пракуратурай.
Афіцыйнай інфармацыі па гэтай справе няма.
Нагадаем, старшыня канцэрна «Белнафтахім» Ігар Жылін звольнены пастановай Савета міністраў ад 30 чэрвеня № 631 «Аб вызваленні і прызначэнні некаторых службовых асоб». З пяці чалавек, вызваленых ад пасад, толькі ў Жыліна не ўказана прычына звальнення.