11.07.2014 / 16:28

Сезон палявання на бакаса адкрываецца ў Беларусі 12 ліпеня 3

Сезон палявання на бакаса адкрываецца ў Беларусі з 12 ліпеня і прадоўжыцца да 9 жніўня, паведамілі ў рэспубліканскім дзяржаўна-грамадскім аб'яднанні «Беларускае таварыства паляўнічых і рыбаловаў».

Паляванне будзе дазволена ў светлы час сутак з падыходу, толькі з паляўнічымі сабакамі: выжламі, спаніэлямі, рэтрыверамі. Пры гэтым паляваць з адным сабакам змогуць да трох паляўнічых. У паляўнічых пуцёўках у графе «Асаблівыя ўмовы» павінны быць пазначаны парода, мянушка, нумар і іншыя даныя рэгістрацыйнай карткі сабакі.

З другой суботы жніўня адкрыецца паляванне і на астатнюю балотную, а таксама вадаплаўную і іншую птушыную дзічыну.

Бакас — адзін з найбольш шматлікіх відаў птушак, якія сустракаюцца на тэрыторыі Беларусі. Птушка жыве на пойменных лугах, балотах, забалочаных узлесках.

0
Валерия / Адказаць
11.07.2014 / 16:35
Охотники - это убийцы . Желаю вам ходить голодными до конца жизни - если вы убьете эту птичку .
0
Ягор / Адказаць
11.07.2014 / 16:38
Прачынаў палявання на бакса )
0
ЮРАСЬ / Адказаць
11.07.2014 / 17:58
А калі пачнецца сезон на еўра? )))))
Каб пакінуць каментар, калі ласка, актывуйце JavaScript у наладах свайго браўзеру