11.07.2014 / 20:34

«МакДональдс» плануе за 10 гадоў пабудаваць 28 рэстаранаў у абласных цэнтрах і Мінску 5

У бліжэйшыя 10 гадоў кампанія «МакДональдс» у Беларусі плануе пабудаваць 28 рэстаранаў у Мінску і ва ўсіх абласных цэнтрах. Аб гэтым паведаміла кіруючы дырэктар кампаніі Вікторыя Данько сёння ў Віцебску ў ходзе цырымоніі адкрыцця першага рэгіянальнага рэстарана сеткі.

Паводле слоў Вікторыі Данько, на гэтым этапе развіцця кампаніі прыярытэт будзе аддавацца ўзвядзенню аб'ектаў у сталіцы. Гэта выклікана тым, што дзеючыя мінскія рэстараны працуюць з вялікім напружаннем, абслугоўваючы ў год не менш за 1,3 млн наведвальнікаў. Разам з тым пасля адкрыцця рэстарана ў Віцебску кампанія прадоўжыць экспансію ў рэгіёны, мае намер пабудаваць аб'екты ў кожным абласным цэнтры, хаця інфармацыя аб тым, які горад будзе наступным, пакуль не выдаецца. Акрамя таго, паводле слоў Вікторыі Данько, «МакДональдс» у Беларусі трымае ў полі зроку і магчымасці будаўніцтва рэстаранаў у раённых цэнтрах, напрыклад у Оршы, Салігорску, Мазыры. 

За 17 гадоў работы рэстараны «МакДональдс» у Мінску абслужылі каля 180 млн наведвальнікаў. Аб'ём інвестыцый кампаніі ў Беларусі за гэты ж перыяд перавысіў $25,7 млн, у бюджэты рознага ўзроўню пералічана больш за Br733 млрд падаткаў і збораў, у тым ліку за 2013 год — Br173, 5 млрд.

0
Тутэйшы / Адказаць
12.07.2014 / 10:31
ДаліБог, адкрыйце ў Наваполацку, задаўбала вазіць дзяцей у Менск як на экскурсію.
0
ржжака / Адказаць
12.07.2014 / 13:29
)) Уся соль беларускай эканомікі ў папярэднім каменце. Нават не могуць 15 год дамовіцца з сеткай фастфуда, якая нават у Малдове і Расеі на кожным кроку. Аднойчы бачыў нават абвестку "Тур выходного дня в Минск с посещением Макдоналдс"
0
me / Адказаць
12.07.2014 / 15:54
таксама хочацца і канкурэнтаў Pizza Hut, Burger King, KFC, ect а таксама кітайскага "фастфуду", а то задзяўблі ўжо вясновыя рулецікі прэзентаваць як шэдэўр высокай кухні і эксклюзіў. але гэта не пра нас. пакуль "бацька" не выпусціць "дзяцей" ў вольнае, ДАРОСЛАЕ, самастойнае, адказнае і рызыкоўнае жыццё, ніц не бэндзе. Schade
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру