12.07.2014 / 19:19

Шэндэровіч пра Навадворскую: Мы яшчэ проста не ў стане зразумець, каго мы страцілі сёння ФОТА + фота Навадворскай часоў студэнцтва 19

Вядомы расійскі сатырык і публіцыст Віктар Шэндэровіч напісаў пра Валерыю Навадворскую ў сваім фэйсбуку:

«Вось вы не ведаеце, якая яна была прыгажуня ў маладосці, Лера Навадворская!

А я бачыў яе выпускную студэнцкую фатаграфію - у дзень, калі праводзіў у эміграцыю Жэню Ар'е (яны вучыліся разам на медыцынскім).

Тыя, хто катаваннямі ў казанскай псіхушцы ператварылі яе ў паўінваліда, і тыя, хто прамаўчаў ў анучку ўвесь рэпрэсіўны «савок», сталі потым новай расійскай элітай - і сумесным чынам, да канца яе жыцця, іранічна прасмяяліся на яе адрас. У гэтай агульнай іранічнай усмешцы прымалі ўдзел і многія найноўшыя дэмакраты з школы real-politik: Лера, ну што з яе ўзяць. Экстрэмістка!

А яна, сярод усёй гэтай двухсэнсоўнай гнілі, многія гады заставалася неверагодным эталонам гонару. І дзіўнай, герцэнаўскай сілы публіцыстам. А яе непрыманне зла было сапраўды шэкспіраўскай сілы …

Мы яшчэ проста не ў стане зразумець, хто жыў сярод нас і каго мы страцілі сёння.

0
вольга цярэшчанка, гомель / Адказаць
12.07.2014 / 19:56
Думаю, што гэта расейская Ларыса Геніюш.Хаця Ларыса Геніюш так і не прыняла савецкае грамадзянства, бо ніколі ў ім не была.Вялікая страта для сумленных і выскародных людзей усяго свету...
0
Анатоль Сідарэвіч / Адказаць
12.07.2014 / 20:12
Сапраўды, лінія расійскай палітычнай публіцыстыкі ідзе ад Герцэна да Навадворскай: як Герцэн, так і Навадворская -- людзі без кроплі шавінізму, без імперскіх тараканаў у галаве. Хіба што два ўдакладненні: Герцэн быў сацыяліст і дэмакрат, Навадворская -- лібералка і дэмакратка; Герцэн быў сынам багатага расійскага пана, Навадворская -- расійка з выбару -- мела іншыя карані. Што падкрэслівае правіла: няважна, які ў цябе светапогляд, якое тваё паходжанне -- важна, ці сумленны, ці чалавечны ты чалавек.
0
Алёна / Адказаць
12.07.2014 / 20:39
Не нахожу слов, чтобы выразить все потрясение преждевременной смертью этой несгибаемой женщины.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру