21.11.2007 / 12:41

Беларускае МУС ведае, хто сядзіць у паганаўскай пячоры 2

МУС Беларусі ўстанавіла асобы 10 беларускіх грамадзян, якія зьніклі ў Пензенскай вобласці Расеі.

МУС Беларусі ўстанавіла асобы 10 беларускіх грамадзян, якія зніклі ў Пензенскай вобласці. Аб гэтым карэспандэнту БЕЛТА паведаміла начальнік упраўлення інфармацыі і грамадскіх сувязей МУС Беларусі Кацярына Самусенкава‑Шэлегава.

Паводле яе слоў, раней у міністэрства паступіў дакумент з крымінальнага вышуку УУС Пензенскай вобласці, у якім паведамлялася аб тым, што ў вёсцы Нікольскае Бекаўскага раёна зарэгістравана нефармальнае рэлігійнае аб’яднанне «Горны Іерусалім». Яго члены знішчаюць дакументы, што засведчваюць асобу.

Пры праверцы грамадзян, якія з’яўляюцца членамі аб’яднання, было ўстаноўлена, што частка членаў арганізацыі вышукваецца як без вестак прапаўшыя на тэрыторыі краін СНД. Таксама было ўстаноўлена, што 10 чалавек з’яўляюцца выхадцамі з Беларусі. Адзін з іх ужо значыўся як без вестак прапаўшы і быў у вышуку раней Ленінскім РУУС Брэста.

З 10 беларусаў, якія зніклі на тэрыторыі Пензенскай вобласці, 8 чалавек з’яўляюцца выхадцамі з Брэсцкай вобласці, яшчэ двое — з Магілёўскай вобласці. Заявы аб знікненні апошніх у праваахоўныя органы падалі сваякі, што пражываюць у Бабруйску, якія даведаліся пра падзеі ў Бекаўскім раёне. Сваякі грамадзян з Брэсцкай вобласці растлумачылі, што два гады таму кіраўнік рэлігійнай секты Пётр Кузняцоў запрашаў людзей, якія ў далейшым зніклі, у Пензенскую вобласць. Летам бягучага года яны накіраваліся ў Расію.

Кацярына Самусенкава‑Шэлегава таксама паведаміла, што цяпер МУС Беларусі сабраны ўсе неабходныя матэрыялы адносна прапаўшых асоб, якія накіраваны ва УУС Пензенскай вобласці. Беларускі бок чакае інфармацыю ад расійскіх калег.

БЕЛТА

0
Cynik / Адказаць
21.11.2007 / 16:40
Адзiная культурная прастора Расейска-Беларускай дзяржавы: дамаўляюцца ў Брэсце, закопваюцца пад Пензай. Але цi можна ўсiм беларусам ад самых сябе схавацца ў Расii? Хаця АРЛ, здаецца, мае на гэта надзею.
0
Asinus / Адказаць
21.11.2007 / 21:16
«Горны Іерусалім» не можа быць. Славянізм «горній» азначае «вышні», у сучаснай апакаліптыцы — «нябесны». Таму трэба пісаць або «Горні Іерусалім» (славянізаваны варыянт), або «Нябесны Іерусалім» (сучасны беларускі варыянт).
Каб пакінуць каментар, калі ласка, актывуйце JavaScript у наладах свайго браўзеру