14.07.2014 / 22:08

Брытанскія навукоўцы стварылі абсалютна чорны, аж да нябачнасці, матэрыял 25

Групе брытанскіх навукоўцаў удалося стварыць настолькі чорны матэрыял, што пры выкананні пэўных умоў ён становіцца практычна нябачным. Пра гэта інфармуе The Independent.

«Новы чорны» адбівае ўсяго каля 0,035% навакольнага святла. Матэрыял складаецца з вугальных нанатрубак, якія ў 10 000 разоў танчэйшыя за звычайны чалавечы волас. Для яго стварэння спатрэбілася шмат фальгі, на якой навукоўцы «вырасцілі» «новы чорны». Па словах распрацоўшчыкаў, ён настолькі цёмны, што чалавечае вока не адразу можа распазнаць, што перад ім знаходзіцца, бо абрысы абсалютна размытыя.

Візуальна яго можна параўнаць з «чорнай дзіркай», сказалі навукоўцы. Распрацоўшчыкі пажартавалі, што, калі б гэты матэрыял існаваў пры жыцці Како Шанэль, яе знакамітая «маленькая чорная сукенка» мела б зусім іншы выгляд і абрысы.

Даследчыкі мяркуюць выкарыстоўваць «новы чорны» ў астранамічных тэлескопах і сканерах. Акрамя таго, яны не сумняваюцца, што ваенныя возьмуць адкрыццё на заметку. Навукоўцы назвалі атрыманы матэрыял Vantablack.

Аднак штучна створаны Vantablack пакуль ніяк не дапамог навукоўцам прыадчыніць заслону таямніцы «цёмнай матэрыі», антыматэрыі і магчыма пакуль невядомых навуцы вымярэнняў прасторы і часу. Для гэтага даследчыкі плануюць у 2015 годзе паўторна паспрабаваць запусціць Вялікі адронны калайдэр. БАК задумваўся для адкрыцця элементарных часціц. Калі калайдэр будзе прыведзены ў дзеянне, мікрачасціцы будуць запушчаныя ў адзін і той жа час у розных напрамках для аднаўлення ўмоў Вялікага выбуху, які, на думку навукоўцаў, быў настолькі магутным, што дзякуючы яму з'явіўся Сусвет.

0
відавочнае / Адказаць
14.07.2014 / 22:22
Еўропа запускае калайдэр, а "рускій мір"- калдырэй.
0
vavan / Адказаць
14.07.2014 / 22:28
"«Новы чорны» паглынае каля 0,035% навакольнага святла." - Такога ня можа быць! Паглынае ўсё, акрамя 0,035% навакольнага святла. Ці, лепш мовіць, адбівае толькі 0,035 адсоткаў святла. Выпраўце, калі ласка.
0
Сымон / Адказаць
14.07.2014 / 22:37
«Новы чорны» паглынае каля 0,035% навакольнага святла. ..." - аўтар ня ведае элементарнае фізікі: "чорны" матэрыял таму, што паглынае амаль ўсё сьвятло, г. зн. ён "адбівае" толькі 0,035%, а не паглынае. "Неуд" па школьнае праграме, спадарства....
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру