21.11.2007 / 18:29

Фільм пра Штазі лідзіруе на «Лістападзе» 3

Па выніках трох конкурсных дзён XIV Менскага міжнароднага кінафэстывалю «Лістапад‑2007» лідзіруе нямецкі фільм «Жыцьцё іншых». Глядацкае журы паставіла карціне рэжысэра Флярыяна Хэнкеля фон Донэрсмарка 9,45 бала.

Па выніках трох конкурсных дзён XIV Менскага міжнароднага кінафэстывалю «Лістапад‑2007» лідзіруе нямецкі фільм «Жыцьцё іншых». Глядацкае журы паставіла карціне рэжысэра Флярыяна Хэнкеля фон Донэрсмарка 9,45 бала.

«Жыццё іншых» — дэбютная поўнаметражная карціна фон Донерсмарка, выпускніка Мюнхенскай кінаакадэміі. Сцэнарый да фільма напісаў сам рэжысёр. Дзеянне фільма пачынаецца ў 1984 годзе, калі ў ГДР працвіталі ўсеагульнае шпегаванне і даносы. На галоўныя ролі ў сваю карціну малады рэжысёр запрасіў вядомых нямецкіх акцёраў — Ульрыха Мюэ і Марціну Гедэк. Фільм «Жыццё іншых» выйшаў на экраны ў пачатку 2006 года, атрымаў некалькі буйных узнагарод, у тым ліку прэміі Еўрапейскай кінаакадэміі («Лепшы фільм», «Лепшая рэжысура», «Лепшы сцэнарый», «Лепшая мужчынская роля»), сем прэмій Германскай кінаакадэміі, прызы глядацкіх сімпатый на фестывалях у Лакарна і ў Варшаве, «Оскар» у 2007 годзе як лепшы фільм на замежнай мове.

Другое месца ў конкурснай гонцы «Лістапада» ў карціны «Я абслугоўваў англійскага караля» (Чэхія‑Славакія, рэжысёр Іржы Менцэль». Фільм набраў 8,59 бала. На трэцяй пазіцыі (8,48 бала) пакуль знаходзіцца карціна «Агітбрыгада «Бі ворага!» расійскага рэжысёра Віталя Мельнікава.

Сёння глядацкае журы ацэніць дэбютную работу беларускага рэжысёра Марыі Можар «Ворагі», а 22 лістапада — карціну «Чаклун і Румба», якая таксама з’яўляецца рэжысёрскім дэбютам беларускага аўтара Андрэя Голубева.

Конкурсны паказ завершыцца 23 лістапада. Усяго ў творчым спаборніцтве XIV Мінскага міжнароднага кінафестывалю «Лістапад‑2007» удзельнічае 21 фільм з 18 краін.

БелТА

0
šept / Адказаць
22.11.2007 / 08:38
вар'яцтва нейкае. фільм ужо паўтара гады як выйшаў на экраны і ўжо пасьпеў трапіць у распродажы старых дыскаў. яны б яшчэ Тытанік у конкурсны паказ уключылі
0
Актывіст / Адказаць
22.11.2007 / 12:26
Адзін з найлепшых фільмаў, што я бачыў.
0
tumash / Адказаць
23.11.2007 / 16:00
А ў жніўні фільм паказвалі ў "Кінафармаце 4х4"
Каб пакінуць каментар, калі ласка, актывуйце JavaScript у наладах свайго браўзеру