18.07.2014 / 16:23

Інфармацыйна-аналітычны цэнтр пры Адміністрацыі ўзначаліў былы журналіст незалежнага выдання Аляксей Дзербін 6

Сёння Аляксандр Лукашэнка вызваліў Аляксандра Базанава з пасады дырэктара Інфармацыйна-аналітычнага цэнтра пры Адміністрацыі прэзідэнта (узначальваў з 2010-га). Прычыны звальнення не называюцца.

Новым кіраўніком цэнтра стаў 39-гадовы Аляксей Дзербін. Пра гэтага чалавека не так многа звестак. Вядома, што нарадзіўся ў Мінску ў 1975-м годзе. Скончыў юрфак БДУ. Былыя студэнты кажуць, што запомнілі ягоную фразу: «Я ніколі не буду ўдзельнічаць у фінансавых гульнях з дзяржаваю».

Адметна, што пэўныя перыяд (1997-1998) ён адпрацаваў загадчыкам аддзела права ў незалежным выданні «Беларускі рынак».

Заснавальнік і галоўны рэдактар газеты Вячаслаў Хадасоўскі не змог нічога згадаць пра свайго было падначаленага. «Так даўно было. І не заўважны ён зусім быў», - кажа Хадасоўскі.

Працаваў у Міжбанкаўскай валютнай біржы, юрысконсультам «Белгазпрамбанку», а таксама на юрфаку БДУ, дзе выкладаў «Фінансавае права».

Апошнім месцам працы Аляксея Дзербіна, якое ёсць у адкрытых крыніцах, значыцца – намеснік кіраўніка Інстытута прававых даследванняў пры Нацыянальным цэнтры заканадаўчых і прававых даследаванняў Рэспублікі Беларусь.

У кніжнай палаце Беларусі ёсць нямала спасылак на навуковыя працы Аляксея Дзербіна.

У функцыі Інфармацыйна-­аналітычнага цэнтра ўваходзіць забеспячэнне Аляксандра Лукашэнкі і Адміністрацыі прэзідэнта сацыялагічнай інфармацыяй. На сайце напісана, што ІАЦ займаецца «фарміраваннем стратэгічных накірункаў дзяржаўнай палітыкі».

 Ведамства ў розныя гады ўзначальвалі Ніна Шпак і Алег Праляскоўскі.

У намесніках у Базанава быў «заходнерус», змагар з беларускай мовай і нацыяналізмам і прыхільнік адзінства «трыадзінага рускага народа» Леў Крыштаповіч.

Зміцер Панкавец

0
Расэл Кроў / Адказаць
18.07.2014 / 16:42
Спадзяюся, Крыштаповіча зараз адсунуць ад стырна. Вельмі спадзяюся.
0
ranen / Адказаць
18.07.2014 / 19:06
Видимо Лукашенко считает, что самое важное направление это экономика. Интересно, а про идеологию забыли?
0
дада / Адказаць
18.07.2014 / 21:23
«Никогда не играйте в азартные игры с государством. Все равно проиграете» Это цитата из бЕндера ;)
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру