Калінкавіцкі РАСК 16 ліпеня распачаў справу на падставе ч. 2 арт. 205 КК (крадзеж, учынены групай асоб) у дачыненні да двух памочнікаў машыніста. У крадзяжы больш як 255 літраў дызельнага паліва падазраюцца 38-гадовы гамяльчанін і 25-гадовы жыхар Калінкавіч.
Як паведаміў афіцыйны прадстаўнік УСК па Гомельскай вобласці Марыя Крываногава, крадзеж дызпаліва з лакаматыва грузавога цягніка адбываўся ў дарозе. Паводле версіі следства, адзін з памочнікаў машыніста зліваў паліва ў каністры і выкідаў іх па дарозе з лакаматыва, а саўдзельнік ехаў следам на машыне і падбіраў гэтыя ёмістасці. Усяго за адзін маршрут памочнікі машыніста паспелі выкрасці 12 каністраў, ці больш за 255 літраў дызпаліва.
Следства ўстанаўлівае, быў гэта адзінкавы выпадак ці такія крадзяжы адбываліся раней.
