20.07.2014 / 10:18

Апублікаваныя ФОТАсведчанні, што баевікоў ДНР рыхтавалі яшчэ пяць гадоў назад 18

Тэрарыстычная групоўка «Данецкая рэспубліка», якая ў 2014 годзе была перайменаваная ў «Данецкую народную рэспубліку», вяла падрыхтоўку да ўзброенага паўстання на тэрыторыі Данецкай вобласці з 2009 года. Пра гэта сведчаць фатаграфіі, якімі валодае агенцтва журналісцкіх расследаванняў «Данецкая праўда», зробленыя ў вайсковым лагеры «ДНР» у 2009 годзе. Мяркуючы па фота, на тэрыторыі вайсковага лагера ў Данецкай вобласці, членаў ДНР навучалі страляць і рабіць «кактэйлі Молатава» яшчэ ў 2009 годзе. Падобны лагер таксама існаваў і ў горадзе Макееўка.

Нагадаем, у 2007 годзе супраць грамадскай арганізацыі «Данецкая рэспубліка» пракуратурай былі ўзбуджаныя крымінальныя справы па арт. 109, арт. 110 і арт. 161 Крымінальнага кодэкса Украіны («Дзеянні, скіраваныя на гвалтоўнае змяненне або звяржэнне канстытуцыйнага парадку або захоп дзяржаўнай улады», «Замах на тэрытарыяльную цэласнасць і недатыкальнасць Украіны», «Парушэнне раўнапраўя грамадзян у залежнасці ад іх расавай, нацыянальнай прыналежнасці або адносіны да рэлігіі») пасля мітынгу, які сябры арганізацыі правялі ў 2006 годзе на плошчы Леніна ў цэнтры Данецка.

У выніку ў 2008 годзе суд пастанавіў забараніць юрыдычную асобу «ДР». Але нягледзячы на рашэнне суда, кіраўніцтва «ДР» адкрыла вайсковыя лагеры на тэрыторыі Данецкай вобласці, забяспечыўшы іх поўным камплектам баявой зброі яшчэ ў 2009 годзе.

0
я / Адказаць
20.07.2014 / 10:25
А зараз ужо на будучыню такія атрады рыхтуюцца і ў Беларусі: http://kazak.by/index.php/about/belkazak/494-annual-instructor-methodical-martial-charges
0
BNK / Адказаць
20.07.2014 / 10:43
Такую навалач трэба своечасова выкрываць і знішчаць!
0
Юрась Беларус / Адказаць
20.07.2014 / 10:46
А гэтым куды дзецца? Людзі, людзі, што Вы робіце?
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру