24.07.2014 / 10:55

Мінгарвыканкам палічыў неэтычным размяшчэнне партрэта Быкава на трансфарматарнай падстанцыі 9

Каардынатар праекта SIGNAL Алег Ларычаў атрымаў адказ ад Мінгарвыканкама на свой ліст з просьбай дазволіць нанесці партрэт Васіля Быкава на сцяну трансфарматарнай будкі ў раёне плошчы Перамогі. «Мінскі гарвыканкам лічыць неэтычным размяшчэнне партрэтнага малюнка народнага пісьменніка Беларусі Васіля Быкава на трансфарматарнай падстанцыі», — гаворыцца ў лісце з Мінгарвыканкама.

У той жа час у тым, каб нанесці партрэт пісьменніка на сцяну падстанцыі мастакам не адмовілі, а адправілі на ўзгадненне да балансаўтрымальніка — у раённыя электрычныя сеткі.

Нагадаем, да 90-годдзя з дня нараджэння Васіля Быкава ў горадзе павінен быў з'явіцца яго вялікі партрэт. Зрабіць яго ў рамках праекта SIGNAL задумалі вулічныя мастакі з каманды HoodGraff як працяг вялікай партрэтнай серыі, распачатай у Віцебску.

Першыя накіды партрэта Быкава на трансфарматарнай будцы ў двары каля Дома быту на плошчы Перамогі з'явіліся ўвечары 16 чэрвеня. А ўжо 18 чэрвеня раніцай незакончаную працу зафарбавалі работнікі РЭС-4. Удзельнікі праекта — два мастакі, іх менеджар і кіраўнік праекта SIGNAL атрымалі штраф — у суме 18 мільёнаў.

Да вечара 18 чэрвеня на свежапафарбаванай трансфарматарнай падстанцыі невядомы пакінуў надпіс сіняй фарбай «Тут быў Васіль Быкаў».

Чэрвень 19 падстанцыю пафарбавалі шэрай фарбай другі раз.

Тады арганізатары стрыт-арт акцыі пагутарылі з галоўным інжынерам раённых электрасетак, старшынёй камітэта архітэктуры і горадабудаўніцтва, галоўным архітэктарам горада Мікалаем Уласюком і яго намеснікам, дырэктарам па ідэалогіі ЖРЭА Партызанскага раёна, начальнікам упраўлення ідэалагічнай работы адміністрацыі Партызанскага раёна і намеснікам кіраўніка адміністрацыі раёна.

Ні адзін чыноўнік у ланцужку не выказаўся супраць партрэта Быкава, кожны хацеў дапамагчы, але адпраўляў за канчатковым рашэннем у вышэйшую інстанцыю. Адказ, які атрымалі мастакі 9 ліпеня ад вышэйшай інстанцыі — Менгарвыканкама, — сітуацыю ніяк не змяніў.

Па словах Алега Ларычава, яны маюць намер пісаць паўторны запыт у Мінгарвыканкам. «Магчыма, мы папросім Мінгарвыканкам абгрунтаваць «неэтычнасць» трансфарматарнай падстанцыі або ўзгадніць «этычны» дзевяціпавярховік», — распавёў Алег Ларычаў.

0
Ірэна / Адказаць
24.07.2014 / 11:13
Ну калі на сцяне трансфарматарнай падстанцыі - не этычна, дык можа будзе этычна на сцяне на ўзроўню верхніх паверхаў гмаху імя Чыжа ў Траецкім ? Дзеля гэтага можна і ваконныя праёмы замураваць - усё роўна там ніхто не жыве.
0
liashkou / Адказаць
24.07.2014 / 11:24
Лукашэнкаўскія чыноўнікі дэманструюць "цуды". Замест таго каб дапамагаць грамадзянам (у тым ліку ў захаваньні памяці пра выдатнага беларускага пісьменьніка і чалавека) яны фактычна шкодзяць. На пачатку перасьледуюць ініцыятараў графіці, зафарбоўваюць пачатую працу, накіроўваюць па бюракратычным коле...і нарэшце атрымалі адмову бо неэтычна!?!
0
Вечерний дозор / Адказаць
24.07.2014 / 11:56
Ребята, давайте рассуждать здраво. Быков заслуживает большего, нежели транформаторной подстанции. Это традиционное место вульгарных граффити.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру