У Смаргоні 28 ліпеня пад колы Opel Astra трапіў васьмігадовы хлопчык. На дарогу хлопчыка выцягнуў сабака, паведамляе прэс-служба ДАІ Гродзенскай вобласці.
Жыхарка Смаргоні выйшла на прагулку з двума сынамі: васьмігадовы хлопчык вёў на павадку сабаку, а яго двухмесячнага брата маці везла ў вазку.
Калі па вуліцы ў іх кірунку пад'язджаў аўтамабіль, праз дарогу за плотам забрахаў іншы сабака. Гадаванец ірвануў у бок брэху і выцягнуў дзіця, які трымаў ланцужок, на праезную частку.
Сабака праскочыў перад машынай, а хлопчык трапіў пад колы.
Яго жыццё выратавала толькі невялікая хуткасць аўтамабіля і добрая рэакцыя кіроўцы. З пераломамі пацярпелага даставілі ў бальніцу.
0
0
0
0
0
0
