30.07.2014 / 17:40

У галаўным мозгу знойдзены «выключальнік» апетыту 9

Фота ThinkStock

Даследнікі з Каліфарнійскага тэхналагічнага інстытута выявілі ўчастак галаўнога мозгу, стымуляцыя якога маментальна прыводзіць да «выключэння» апетыту, паведамляе Бі-Бі-Сі.

Вынікі гэтых даследаванняў дапамогуць у барацьбе з атлусценнем і анарэксіяй.

У ходзе эксперыментаў з удзелам мышэй навукоўцы выкарыстоўвалі лазерныя прамяні для стымуляцыі ў жывёл нейронаў ў галіне міндалепадобнага цела. Дадзеная вобласць мозгу звязаная з такімі эмоцыямі, як стрэс і страх. Раздражненне ўчастка прыводзіла да неадкладнага спынення спажывання ежы.

«Гэта было дзіўна, нібы вы націснулі выключальнік, які не дазваляе жывёлам есці», — распавёў галоўны аўтар даследавання Дэвід Андэрсан (David Anderson).

Пасля навукоўцы з дапамогай хімічных рэчываў дамагаліся імітацыі ў грызуноў розных адчуванняў, напрыклад, пачуцця сытасці, нядужання, млоснасці і горкага смаку. І ва ўсіх выпадках нейроны міндалепадобнага цела былі актыўнымі. Гэта дазваляе выказаць здагадку, што дадзеная група нейронаў адказная за фарміраванне рэакцыі на спажыванне ежы.

На думку даследчыкаў, цалкам верагодна, падобныя клеткі ёсць і ў чалавечым мозгу.

І калі гэта пацвердзіцца, то ў будучыні гэта можа дапамагчы ў лячэнні розных харчовых расстройстваў.

0
Кнехт / Адказаць
30.07.2014 / 18:09
Няхай бы знайшлі адключальнік "саўка" ў расейскамоўных. Бо моцы ўжо не стае слухаць іх!
0
гарадзенец / Адказаць
30.07.2014 / 20:00
2 Кнехт На жаль, тут пакуль медыцына бязсільна.
0
Дзядзька Самасвяд / Адказаць
30.07.2014 / 21:46
Шаноуны КНЕХТ, на падставе фармулiроукi вашага камента у мяне узнiкла уражанне, што у вас сфармiравалася нейкая псыхаэмацыйная зацыкленасць-акцэнтаванасць на вельмi глабальнай праблематыцы, не маючай на дадзены цяперашнi перыяд нейкага кардынальнага вырашэння. Узгадалася мудрасць-парада: Калi вам вельмi-вельмi хацелася б змянiць нейкую сiтуацыю-абставiны, але гэта не у вашых сiлах, то лепш змянiце свае успрыняцце-стауленне да гэтага.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру