30.07.2014 / 18:49

АБСЕ: Прадстаўнікі сепаратысцкіх груп з усходніх абласцей Украіны возьмуць удзел у перамовах у Мінску 11

Чакаецца, што ў трохбаковых перамовах у Мінску 31 ліпеня возьмуць удзел «прадстаўнікі сепаратысцкіх груп з усходніх абласцей Украіны».

Пра гэта БелаПАН паведаміў прэс-сакратар Спецыяльнай назіральнай місіі АБСЕ ў Украіне Майкл Боцюркіў.

«Сустрэча трохбаковай кантактнай групы (прадстаўнікі Украіны, Расіі і АБСЕ) мае адбыцца ў Мінску 31 ліпеня з удзелам прадстаўнікоў сепаратысцкіх груп з усходніх абласцей Украіны», — сказаў ён.

У пасольстве Расіі ва Украіне БелаПАН пацвердзілі, што на 31 ліпеня запланаваны ўдзел расійскага пасла Міхаіла Зурабава у сустрэчы ў Мінску.

У Мінску пакуль афіцыйна месца і час правядзення сустрэчы не называюць.

Нагадаем, увечары 29 ліпеня прэс-служба Аляксандра Лукашэнкі распаўсюдзіла інфармацыю аб тым, што прэзідэнт Украіны звярнуўся да кіраўніка беларускай дзяржавы з просьбай прыцягнуць Рэспубліку Беларусь у якасці пляцоўкі для правядзення перамоваў з удзелам усіх зацікаўленых бакоў па вырашэнні ўкраінскага крызісу. «Аляксандр Лукашэнка пагадзіўся з гэтай ініцыятывай», — паведаміла прэс-служба.

Па звестках Адміністрацыі прэзідэнта Украіны ў сацыяльнай сетцы «Фэйсбук», на абмеркаванне прапануецца вынесці два пытанні:

вызваленне ўсіх закладнікаў, якія застаюцца ў баявікоў (168 чалавек), і забеспячэнне допуску міжнародных экспертаў на месца падзення самалёта «малайзійскага авіяліній».

«Першарадным павінна быць пытанне аб абмене ваеннапалоннымі па прынцыпе» ўсіх на ўсіх». Для мяне гэтае пытанне з'яўляецца адным з самых краевугольных», — падкрэсліў віцэ-прэм'ер самаабвешчанай Данецкай народнай рэспублікі Андрэй Пургін у інтэрв'ю ІТАР-ТАСС.

Віцэ-прэм'ер Украіны Уладзімір Гройсман на брыфінгу ў Кіеве 30 ліпеня заявіў, што неадкладны допуск экспертаў да месца крушэння самалёта з'яўляецца патрабаваннем № 1 прэзідэнта Украіны Пятра Парашэнкі.

0
Жора / Адказаць
30.07.2014 / 18:52
Ну што, рускі Мінск сустрэне сепаратыстаў авацыямі?
0
Satan / Адказаць
30.07.2014 / 18:59
Рыгорыч, хочаш стаць праславицца на весь мир? Сатан ща тебе подкинет мыслю: надо кароч сделать так, шобы ехали главари на переговоры. А потом... ну ты сам панимаешь: бывает газавыя балоны взрываюцца, бывает всякие слесари бомбы каструируюць. За всем жа не уследзишь.
0
sodeberg / Адказаць
30.07.2014 / 19:24
2 satan--маеш рацыю!такога шанца болей ня будзе.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру