01.08.2014 / 22:57

Абама паразмаўляў з Пуціным: Прэзідэнт Расіі паступае нерацыянальна 20

Reuters.com

Выступаючы ў пятніцу ў Белым доме перад журналістамі, прэзідэнт ЗША Барак Абама заявіў, што Вашынгтон робіць усё магчымае, каб прадухіліць далейшую эскалацыю ўзброенага канфлікту на ўсходзе Украіны.

Амерыканскі прэзідэнт прызнаў, што ЗША абмежаваныя ў сваіх магчымасцях паўплываць на пазіцыю Крамля. Тым не менш, ён мяркуе, што расійскае кіраўніцтва павінна быць зацікаўлена ў кроках, якія прывядуць да зняцця эканамічных санкцый.

Прызнаўшы, што ўведзеныя Злучанымі Штатамі і Еўропай санкцыі могуць балюча ўдарыць па расійскай эканоміцы, Абама сказаў,

што пазіцыя ЗША простая: «Адмоўцеся ад падтрымкі сепаратыстаў, санкцыі будуць знятыя, і эканоміка зноў будзе расці».

Але як падкрэсліў Абама, каментуючы дзеянні прэзыдэнта Расіі Пуціна, «не ўсе людзі паступаюць рацыянальна і не заўсёды яны кіруюцца сярэднетэрміновымі і доўгатэрміновымі інтарэсамі».

Прэзідэнт ЗША выступаў перад прэсай пасля тэлефоннай размовы з Пуціным, у якой лідары дзвюх краін абмеркавалі сітуацыю ва Украіне.

Як паведамляе амерыканскае агенцтва Асашыэйтэд прэс са спасылкай на Белы дом, Барак Абама заявіў Уладзіміру Пуціну ў ходзе тэлефоннай размовы ў пятніцу, што ЗША па-ранейшаму сур'ёзна заклапочаныя нарошчваннем падтрымкі Расіяй сепаратыстаў на ўсходзе Украіны.

Гэта была першая размова двух прэзідэнтаў пасля ўвядзення Злучанымі Штатамі і Еўрасаюзам сектаральных эканамічных санкцый супраць Масквы.

Прэзідэнты пагадзіліся, што цяперашняе становішча спраў не адпавядае інтарэсам абедзвюх дзяржаў. У заяве Белага дома гаворыцца, што прэзідэнт Абама «зноў падкрэсліў сваю прыхільнасць дыпламатычнаму вырашэнню канфлікту».

0
RRR / Адказаць
01.08.2014 / 23:08
А как просто Обаме взять и позвонить Порошенко – чтобы тот вывел армию из Донбаса. И всё – вооруженный конфликт завершен.
0
ласло / Адказаць
01.08.2014 / 23:08
А Крым?
0
Так говорит Заратустра / Адказаць
01.08.2014 / 23:18
Поговорили за жисть, после чего Путька пошел мочиться в сортире...
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру