Як паведамілі БелаПАН у пракуратуры, трагедыя адбылася 25 лістапада ў вёсцы Кляшчы ў двары дома загінулай. Тры нецвярозыя маладыя чалавекі (23, 24 і 28 гадоў) з'явіліся на памінкі без запрашэння. Удзельнікі памінальнага абеду пачалі абурацца паводзінамі няпрошаных гасцей, завязалася бойка. У выніку выстралам з самаробнага пісталета, заражанага кавалачкам свінца, была забіта гаспадыня дома.
Паводле папярэдняй версіі, фатальны выстрал зрабіў 28-гадовы мясцовы жыхар. Падчас вобыску ў яго быў канфіскаваны пісталет. Апрача таго, падчас інцыдэнту малады чалавек параніў аднаго з прыйшоўшых з ім сяброў, які цяпер знаходзіцца ў рэанімацыйным аддзяленні цэнтральнай раённай бальніцы. Два іншыя падазроныя затрыманы.
Пракуратурай раёна распачата справа па ч. 1 арт. 139 Крымінальнага кодэкса (забойства).
