Спікер г.зв. парламента самаабвешчаных Данецкай і Луганскай народных рэспублік Алег Цароў напісаў зварот да прэзідэнта ЗША Барака Абамы. Тэкст апублікаваны на яго старонцы ў фэйсбуку.
«Спадар прэзідэнт! Тое, што адбываецца цяпер на тэрыторыі Данецкай і Луганскай народных рэспублік, можна назваць толькі генацыдам насельніцтва», — піша Цароў.
Цароў заяўляе, што за два месяцы «карнай аперацыі» загінулі «больш за 1129 мірных жыхароў, у тым ліку 348 жанчын і 76 дзяцей».
Ён звярнуўся да Абамы з заклікам аказаць уплыў на кіраўніцтва Украіны з тым, каб «яно спыніла тэрор і забойствы на тэрыторыі Данбаса».
0
0
0
0
0
0
