05.08.2014 / 14:59

Лукашэнка пра сітуацыю вакол Мінскага мора: Там наогул катастрофа 10

Аляксандр Лукашэнка запатрабаваў навесці парадак каля зон адпачынку на Мінскім моры. Адпаведнае даручэнне кіраўнік дзяржавы даў сёння на нарадзе.

БелТА

Паводле яго слоў, ён асабіста праінспектаваў сітуацыю ў раёне Мінскага мора. «Там наогул катастрофа», — падкрэсліў беларускі лідар.

Кіраўнік дзяржавы запатрабаваў ад кіраўніцтва Мінска і Мінскай вобласці неадкладна прыняць меры па навядзенні парадку.

«Сёння трэба зрабіць усё, што можна. На перспектыву трэба абсталяваць стаянкі — простыя, зручныя, каб людзі маглі паставіць аўтамабілі і з дзецьмі падысці да вады, абсталяваць месцы для купання. Тысячу раз пра гэта казалі, але нічога не зроблена», — сказаў Аляксандр Лукашэнка.

Ён звярнуў увагу, што ў цяперашняй сітуацыі, калі адпачывальнікі пакідаюць свае аўтамабілі ледзь не ля самай вады, а часам і мыюць іх, негатыўна адбіваецца на экалагічнай абстаноўцы.

«Там жа дзеці адпачываюць! Не дай бог, я сёння-заўтра ўбачу каля вадаёмаў тое, што я бачыў 3-4 дні таму.

Трэба закасаць рукавы і працаваць. Калі нехта не разумее, трэба пытацца так, каб было страшна ступіць не туды, куды трэба», - падкрэсліў кіраўнік дзяржавы.

У сувязі з гэтым Аляксандр Лукашэнка прывёў прыклад Германіі, на сітуацыю ў якой часта спасылаюцца, кажучы пра падтрыманне парадку.

«Але там чалавек не зробіць ні паўкроку туды, куды забаранілі ўлады», — заўважыў беларускі лідар.

0
jemen / Адказаць
05.08.2014 / 15:15
Наконец то.
0
Бронька / Адказаць
05.08.2014 / 15:21
Апп!
0
Serg / Адказаць
05.08.2014 / 15:33
Быстренько пилим бабло, пока лето не закончилось.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру